Read Tzeltal Salmos 87 Bible Online

Salmos 87 - Tzeltal bible

Salmos 87

¹Yu'un te snich'nab Coré. Ha jun salmo, c'ayoj. Te yich'o-ip te pueblo yu'un Dios ay ta ch'ul wits.

²Te Jehová c'ux ta yo'tan te puertahetic yu'un Sión, c'ax hich a te bin ut'il spisil nahetic yu'un Jacob.

³¡Buen t'ujbil yutsil te bintic halbil ac'oblal, ha'at pueblohat yu'un Dios! Selah

⁴Ya cal te Rahab soc Babilonia, ha pueblohetic te ya sna'bonic jba, soc li' ay te Filistea, Tiro soc Etiopía. Ha te ayinem ta Sión, xchi me sc'oblalic.

⁵Hich ya xhalbot sc'oblal te Sión: Ha ini soc te yane ayinemic tey a, xchi sc'oblal. Ha nix te Mach'a toyol ay ya me ya'be yich' yip.

⁶Te Jehová hich me ya sts'ihbay ta libro yu'un te pueblohetic: Ha ini ayinem tey a, xchi. Selah

⁷Te mach'atic ya xc'ayojinic soc mach'atic ya x'ahc'otajic hich ya yalbeyic sc'oblal te Sión: Ay ta atojol spisil te sloq'uib ha'etic cu'un, xchihic.