Read Tzeltal Salmos 95 Bible Online

Salmos 95 - Tzeltal bible

Salmos 95

¹¡La', jc'ayojtaytic Jehová soc yutsil co'tantic! ¡Ac'a jc'ayojtaytic soc yutsil co'tantic te muc'ul ton yu'un te jcoleltique!

²¡Ochucotic bahel ta stojol ta yalel wocol! ¡Ac'a calbetic yutsil sc'oblal ta scuenta c'ayojetic!

³Como te Jehová ha muc'ul Dios, ha muc'ul Ajwalil yu'un spisil yantic diosetic.

⁴Ay ta sc'ab te sc'ubulil te lumq'uinal, soc ha yu'un te toyol witsiltic.

⁵Ha nix yu'un te mar, como ha nix spasoj, soc ha la spas ta sc'ab te taquin lumq'uinale.

⁶La'ic, ya jquejan jbahtic ta stojol, ya jch'uhuntaytic, ac'a jquejan jbahtic ta stojol Jehová, te Jpaswanej cu'untic,

⁷como ha Dios cu'untic, soc te ho'otic ha pueblohotic yu'un te aquiltic yu'un, tuminchijotic te canantaybilotic yu'une. Yo'tic teme yac awa'iybeyic sc'op,

⁸ma me xatulantes awo'tanic, hich te bin ut'il la apasic ta Meriba, hich te bin ta Masah ta jochol taquin q'uinal,

⁹te banti la yilbonic co'tan te ame'atatic, la stsajonic aunque la yilbonic te a'teliletic cu'une.

¹⁰Cha'winic (40) ha'bil ilinon ta stojol te jcaj ts'umbalil, hich la jcal: Ha pueblo te ya xhowij yo'tanic, ma ba sna'beyejic sba te behetic cu'une.

¹¹Ha yu'un la jcal ta jamal ta quilimba te ma me x'ochic ta cux-o'tanil cu'un, xchihon.