Read Tzeltal Salmos 99 Bible Online

Salmos 99 - Tzeltal bible

Salmos 99

¹Te Jehová ha ajwalil, ya xnihc te pueblohetic yu'un. Hucul ta smuc'ul-huctajib ta yohlil te querubinetic, ya snihc sba te lumq'uinale.

²Te Jehová muc' sc'oblal ta Sión; toyol ay ta stojol spisil te pueblohetique.

³¡Ac'a yalbeyic yutsil sc'oblal abihil te ha muc' soc te ha ay ta xi'el! ¡Ha Ch'ul Dios stuquel!

⁴Ha'at ajwalilat te ay awu'el te c'ux ta awo'tan te bin toj ta pasel; ha'at la achahpan te pajal ay ta c'uxultayel spisilic; yac apas ta stojol Jacob te bin stojil soc te bin lec.

⁵Toybeyahic yutsil sc'oblal Jehová te Dios cu'untic, quejana abahic ta ye'tal yoc. ¡Ha Ch'ul Dios stuquel!

⁶Te Moisés soc Aarón ayic ta yohlil te sacerdotehetic yu'un, te Samuel ha jtuhl ta yohlil te mach'atic la sc'oponic; la sc'oponic te Jehová, jac'bot sc'opic yu'un.

⁷C'oponotic yu'un ta bahlal tocal, la sch'uhumbeyic te bintic halbil yu'un soc te jchahp mandariletic te a'botic yu'une.

⁸Jehová, Diosat cu'untic, la ajac'be te sc'opique; ha'at Diosat te jpas-perdonat yu'unic, aunque la awa'be castigo yu'un te bintic chopol la spasique.

⁹Toybeyahic yutsil sc'oblal te Jehová, te Dios cu'untic, quejana abahic ta stojol te ch'ul wits yu'un, como te Dios cu'untic, ha Ch'ul Dios stuquel.