Read Tzeltal Eclesiastés 4 Bible Online

Eclesiastés 4 - Tzeltal bible

Eclesiastés 4

¹La jquil yan buelta spisil te uts'inel te yac ta pasel ta ye'tal ch'ulchan: ha te ya'lel sitic te mach'atic uts'imbilic, mayuc mach'a ya xmuc'ubtesbot q'uinal ya ya'iyic yu'un; ay yip ta sc'abic te j'uts'inwanejetic yu'unic, mayuc jmuc'ubtesej q'uinal yu'unic.

²La jcal te ha c'ax lec xan ayic a te mach'atic chamic te bin ut'il te mach'atic cuxajtic to.

³Pero c'ax to xan lec ayic te mach'atic ma to ba ayinemic, te ma ba yilojic te bintic chopol ta pasel ta ye'tal ch'ulchan.

⁴Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

⁵Te mach'a ma sna' q'uinal ya spet sc'ab, hich ya sjin sba.

⁶Ha lec xan te jnohp' ta c'abal nojel ta lamal q'uinal te bin ut'il cha'nohp' ta c'abal te nojel ta a'tel soc ta snutsel te iq'ue.

⁷La jquil yan buelta te bin tojol ay ta bahlumilal:

⁸Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

⁹Ha lec xan te cheb te bin ut'il jtuhl nax, como lec xan bin ya stahic yu'un te ya'telique.

¹⁰Teme ya xyahl te jtuhle, ya xhahchot yu'un te smohlole. Pero ¡obol sba te mach'a stuquel ay! Teme ya xyahl, mayuc mach'a yan ya xhahchot yu'un.

¹¹Soc, teme cheb ya slac' sbahic ta wayel, talel c'axel ya sq'uixnay sbahic; pero ¿bin ut'il ya xq'uixnay sba te jtuhle?

¹²Te mach'a stuquel ay ya xhu' ya xtsalot, pero te chebic ya xhu' ya scoltay sbahic. Te lazo te oxp'ij ta ts'otel ma orahuc ya xtuch'.

¹³Ha lec xan te querem te pobre te ay sp'ijil yo'tan te bin ut'il jtuhl ajwalil te mamalix soc ma sna' q'uinal, te ma xyich' ta cuenta bin ya x'a'bot sna';

¹⁴aunque loq'uem ta cárcel te querem te och ta ajwalil, o te pobre ayin ta banti cuentahimbil yu'un te ajwalile.

¹⁵La jquil te spisil mach'atic ayic ta ye'tal ch'ulchan la st'unic te querem te ha sjelol c'oht te ajwalile.

¹⁶Ma xhu' ta ahtayel mach'atic la st'unic; pero te mach'atic patil ya xtalic ma ba tse'el yo'tanic ta stojol. Ha nix hich tojol nax soc ha snutsel te iq'ue.