Read Tzeltal Cantares 3 Bible Online

Cantares 3 - Tzeltal bible

Cantares 3

¹Ta ahc'abal la jle ta jwayib te mach'a c'ux ta co'tan; la jle, pero ma ba la jta.

²Hich la jcal: Ya xhahchon, ya cocliy ta sjoyobal ta yutil pueblo, ta callehetic soc ta plazahetic; ya jle te mach'a c'ux ta co'tan, xchihon. La jle, pero ma ba la jta.

³La stahonic te jcananetic te yac sbehentaybelic ta sjoyobal te pueblo, hich la joc'obe: ¿Awilojic bal te mach'a c'ux ta co'tane? xchihon.

⁴Lajel to quihquitaybelic a, la jta te mach'a c'ux ta co'tan. La jtsac, ma ba la jcoltay ha to c'alal la jcotses ta sna jnan, ta stsalul sna te mach'a la yayinteson.

⁵¡Ach'ixetic yu'un Jerusalén, tulan ya calbeyex, ta scuenta te gacela-chijetic soc te chijetic ta ha'mal, ma me xatijbeyic swayel te c'uxul-o'tanil ha to c'alal ya sc'an stuquel!

⁶¿Mach'a a te yac ta talel ta jochol taquin q'uinal hich te bin ut'il xtomet ch'ahil, te yich'oj mirra soc sch'ahilel pom, soc spisil ta chahp perfumehetique?

⁷¡Ilawil, ha te sq'uechojibal Salomón! Joytaybil yu'un oxwinic (60) ta tuhl winiquetic te ay yipic, te mach'atic ay yipic ta Israel.

⁸Spisilic yich'ojic espada, ya sna'ic yaq'uel guerra ta lec; ta tuhlultuhl chucul te espada yu'un ta sch'uhtic, ta scaj te bintic xiweltic sba ta ahc'abal.

⁹Te ajwalil Salomón la spas sq'uechojibal ta te'etic te talemic ta Líbano.

¹⁰Te yoc la spas ta plata, te smacopat ta oro; te shuctajib potsbil ta chi'in-yax, te yutile, ch'albil yu'un ach'ixetic ta Jerusalén ta scuenta sc'uxul yo'tanic.

¹¹¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.