Read Tzeltal Isaías 50 Bible Online

Isaías 50 - Tzeltal bible

Isaías 50

¹Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

²¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

³Ya ca'be slap yihc'al q'uinal te ch'ulchan soc ya jmuc ta ch'ixal-pac', xchi te Jehová.

⁴Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

⁵Te Cajwaltic Jehová la sjambon jchiquin, ma ba la jtoy jba, ma ba suhton ta jpat.

⁶La jca'be smajbonic jpat te mach'atic ya xmajawanic, soc la jca'be jcho te mach'atic la sbulbonic te quisime; ma ba la jnac' jsit quelaw ta stojol labanel soc stuhbatayel.

⁷Te bin ut'il te Cajwaltic Jehová ya scoltayon, hich ma ba q'uexawon; ha yu'un hich la jcac' jsit quelaw te bin ut'il ton, soc ya jna' te ma ba ya xhilon ta q'uexlal.

⁸Nopol ay ta jts'ehl te mach'a ya xc'opoj cu'un: ¿mach'a ya slehbon jmul? ¡Pajaluc ac'a jtehc'an jbahtic! ¿Mach'a a te ya slehbon jmul? ¡Ac'a taluc ta jtojol!

⁹Ha te Cajwaltic Jehová te ya scoltayon; ¿mach'a ya xhu' ya yalbon jmul? Spisilic ya xlajic hich te bin ut'il c'u'ul, ya xlo'otic yu'un xet.

¹⁰¿Mach'a ay ta awohlilic te ya xi' te Jehová soc te ya sch'uhumbe sc'op te ya'bate? Te mach'a yac ta behel ta yihc'al q'uinal, te mayuc sacal q'uinal ta stojol, ac'a smuc'ulin yo'tan te sbihil te Jehová soc ac'a yich' yip ta stojol te Dios yu'une.

¹¹Pero apisilic te yac atsunic ac'ahq'uic, te yac achahpan tsumbil c'ahc' awu'unic: behenanic ta sacal q'uinal yu'un te c'ahc' awu'unic, soc ta yohlil te tsumbil c'ahc' awu'unique. Hich ay te bin yac awich'ic ta jc'ab: ta scuenta tulan wocol yac awich'ic muquel.