Read Tzeltal Levítico 12 Bible Online

Levítico 12 - Tzeltal bible

Levítico 12

¹Te Jehová la yalbe te Moisés:

²Halbeya te snich'nab Israel: Te ants, c'alal ya xhahch yal soc ya yalatay tut querem, huqueb c'ahc'al bohloben sc'oblal ya xhil, hich te bin ut'il jayeb c'ahc'al bohloben sc'oblal te ya yil schamel.

³Ta swaxaquebal c'ahc'al ya yich' circuncisión te alale.

⁴Pero te snan ya smahliy oxlajuneb scha'winic (33) c'ahc'al te ya xlecub sc'oblal yu'un te sch'ich'ele; ma me ayuc bin ya stsac te bin ch'ultesbil, soc ma xhu' ya xtal ta ch'ul awilal, ha to teme ts'acay te jayeb c'ahc'al te ya xlecub sc'oblale.

⁵Teme tut ach'ix te ya x'ayine, cheb semana bohloben sc'oblal yu'un, hich te bin ut'il ya spas c'alal ya yil schamel; soc ya smahliy waqueb schanwinic (66) c'ahc'al te ya xlecub sc'oblal yu'un te sch'ich'ele.

⁶Te c'alal ya sts'acay te jayeb c'ahc'al ya xlecub sc'oblal, teme ya x'ayin querem o ach'ix, ya me yic' talel ta yochibal Nahilpac' Templo yu'un tahojibal jcoht jcolel tuminchij te jun ya'bilal scuenta scohtol chic'bil mahtanil, soc jcoht jcolel stsuhmut o jcoht xpuliwoc scuenta mahtanil yu'un mulil; ha ya ya'be te sacerdote.

⁷Te sacerdote ya ya'be ta stojol Jehová, ya spasbe stojel smul, hich ya xlecub sc'oblal yu'un a te sch'ich'ele. Ha mandaril yu'un te ants ya x'ayin yal, teme querem o ach'ix.

⁸Teme ma xhu' yu'un ya yac' jcoht jcolel tuminchij, ya xhu' ya yac' cha'coht xpuliwoc o cha'coht jcolel stsuhmut, jcoht scuenta scohtol chic'bil mahtanil, jcoht scuenta mahtanil yu'un mulil; te sacerdote ya spasbe te stojel smul, hich ya xlecub sc'oblal a.