Read Tzeltal Jeremías 19 Bible Online

Jeremías 19 - Tzeltal bible

Jeremías 19

¹Hich la yal te Jehová: Bahan, mambeya sq'uib te jpac'ojom, soc ic'ticlana bahel cha'oxtuhluc mamaletic yu'un te pueblo soc yu'un te sacerdotehetic,

²bahan ta sjuclej yu'un Ben-hinom te ay ta Yochibal Xeht'elul Q'uibetic; tey yac awal a te c'op ya calbate.

³Hich me xawal: Ajwaliletic yu'un Judá soc te mach'atic nahinemic ta Jerusalén, a'iybeya awa'iyic sc'op te Jehová. Hich ya yal Jehová te scuentahinej spisil, te Dios yu'un Israel: Ilawil, ya jticon tal tulan wocol ta stojol te lugar ini, spisil te mach'atic ya ya'iyic, xch'inet schiquinic yu'un,

⁴como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.

⁵La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.

⁶Ha yu'un ya me sta yorahil, xchi te Jehová, te ma ba ya xhalotix sbihil Tofet[6] te lugar ini, o sjuclej yu'un Ben-hinom, pero ha sjuclej yu'un Milaw.

⁷Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

⁸Ya cac' te xiweltic sba ya xc'oht te pueblo ini soc te ya xlabanot. Spisil te mach'atic ya xc'axic tey a xcham yo'tanic yu'un soc ya slabanic ta scaj spisil te jinel yu'une.

⁹Te ants-winiquetic ya cac' te ya swe'beyic sbaq'uetal te ach'ix-queremetic yu'unique. Jujutuhl ya swe'be sbaq'uetal te yamigo, c'alal joytaybilic soc te ay swocolic yu'un te scontratac te ya xlehbot scuxlejalic yu'unique, xchihat.

¹⁰Hich yac awuy te q'uib ta stojol te winiquetic sjoquinejat,

¹¹soc hich me xawalbe: Hich yaloj te Jehová te scuentahinej spisil: Ya jwuy te nación soc te pueblo ini, hich te bin ut'il mach'a ya swuy q'uib te pasbil ta ahch'al, te ma xhu' ya scha'pas xane. Ya me xmucotic ta Tofet, yu'un mayuc yan lugar banti ya yich'ic muquel.

¹²Hich ya jpasbe te lugar ini soc te mach'atic nahinemic tey a, xchi te Jehová. Te pueblo ini hich ya xhil cu'un te bin ut'il Tofet.

¹³Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

¹⁴Hich suht loq'uel ta Tofet te Jeremías ta banti ticonot yu'un Jehová ta yalel sc'op-jalwanej, baht stehc'an sba ta yamaq'uil te sna Jehová soc hich la yalbe spisil te pueblo:

¹⁵Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.