Read Tzeltal Jeremías 24 Bible Online

Jeremías 24 - Tzeltal bible

Jeremías 24

¹Te c'alal te Nabucodonosor ajwalil yu'un Babilonia yic'ojix bahel ta Babilonia a te Jeconías snich'an Joacim, ajwalil yu'un Judá, soc te príncipaletic yu'un Judá, te mach'atic ay bin ya sna'ic spasel soc te jten-taq'uinetic ta Jerusalén, te Jehová la ya'bon quil cheb moch higo te ac'bilic ta stojol te templo yu'un Jehová.

²Ta jun moch ay lequil higohetic, hich te bin ut'il te nahil ya xc'anube. Ta yan moch ay higohetic te ma lecuc, ma xhu' ta lo'el.

³Hich la yalbon te Jehová: ¿Bin yac awil? Jeremías, xchi. Hich la jcalbe: Ha higohetic; te lequil higohetic mero lec, te higohetic te ma lecuc, mero ma lecuc, ma xhu' ta lo'el, xchihon.

⁴Tal ta jtojol te sc'op te Jehová:

⁵Hich yaloj te Jehová, te Dios yu'un Israel: Hich te bin ut'il te lequil higohetic ini, hich ya quil te mach'atic la yich'ic loq'uesel ta Judá, te la jticonlan bahel ta sq'uinal te caldeohetique.

⁶Ya cac' jsit ta stojolic scuenta yutsil slequilic, soc ya cac' suhtuc talel ta q'uinal ini. Ya ca'be yich' yipic, ma ba ya jinticlan; ya jts'unticlan, ma ba ya jbulticlan.

⁷Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

⁸Pero hich te bin ut'il te higohetic te ma lecuc, te ma xhu' ta lo'el, hich yaloj te Jehová, hich ya jpasbe te Sedequías ajwalil yu'un Judá, te príncipaletic yu'un soc te mach'atic cuxul hilic ta Jerusalén, te hilic ta q'uinal ini soc te ya xnahinic ta sq'uinal Egipto.

⁹Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

¹⁰Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.