Read Tzeltal Jeremías 45 Bible Online

Jeremías 45 - Tzeltal bible

Jeremías 45

¹Hich ay te bin halbot yu'un Jeremías te Baruc snich'an Nerías c'alal la sts'ihbay ta balbil hun te bin la yal te Jeremías ta schanebal ha'bil yochel ta ajwalil a te Joacim snich'an Josías, ajwalil yu'un Judá, hich la yal:

²Baruc, hich la yalbat te Jehová, te Dios yu'un Israel:

³Hich la awal: ¡Obol jba! Ma hipuc a te ay bin c'ux ya ca'iy, te Jehová la ya'bon xan mel-o'tan a. Luhbenonix yu'un ahcan, mayuc ban ya jta cux-o'tanil, xchihat.

⁴Hich me xawalbe: Hich yaloj te Jehová: Ya jin te bin la jpas, soc ya jbul loq'uel te bin la jts'un, ta spisil te q'uinale,

⁵¿yu'un bal ha'at yac ale te muc' ac'oblal ya xc'ohat? ¡Ma me xale! como ya me cac' taluc bin chopol ta stojol spisil mach'atic cuxajtic, xchi te Jehová; pero te ha'ate ya cac' te cuxul ya xhilat bayuc ya xbahat, xchi.