Read Tzeltal Ezequiel 15 Bible Online

Ezequiel 15 - Tzeltal bible

Ezequiel 15

¹Tal ta jtojol te sc'op Jehová, hich la yal:

²Snich'anat winic, ¿c'ax bal lec xan a te sch'oxal ts'usub te bin ut'il biluc yan c'ab te'etic? Te sch'oxal, ¿c'ax bal xan lec a te bin ut'il te te'etic ta tohyem te'etique?

³¿Ay bal bin ya yich' pasel a? ¿Ay bal ay yich' loq'uesel tey a te bin ya yich' johc'anel a?

⁴Ya yich' aq'uel ta c'ahc' yu'un ya xlaj ta c'ahq'uel. C'alal ya xlaj ta c'ahc' te scha'bunjehchel, soc te c'ahc' te yohlile, ¿Ay bal bin ya xtuhun a?

⁵Teme ma ba tuhun c'alal lec to a, yu'un nix ma xtuhun a te c'ahq'uemixe. ¿Ay to bal bin ya xtuhun a?

⁶Ha yu'un hich ya yal te Jehová, te Ajwalil: Hich te bin ut'il te sch'oxal ts'usub ta yohlil te tohyem te'etic, te la jcac' te ya xlajinot ta c'ahc', hich ya jpasbe te mach'atic nahinemic ta Jerusalén.

⁷Ya cac' jsit quelaw ta scontrahinel; aunque colic ta c'ahc' ya to yich'ic lajinel ta c'ahc'. Ya me ana'ic te ho'on Jehovahon te c'alal ya cac' jsit quelaw ta scontrahinel.

⁸Ya jc'atp'un ta jochol taquin q'uinal te q'uinale, ta scaj te ma junuc yo'tanic ta jtojol, xchi te Jehová, te Ajwalil.