Read Tzeltal Oseas 14 Bible Online

Oseas 14 - Tzeltal bible

Oseas 14

¹¡Israel, suhtan tal ta stojol Jehová te Dios awu'un, como ta scaj amul te yahlate!

²Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

³Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

⁴Ya jlecubtesbe te stoybahil, ta scuenta yutsil co'tan c'ux ya ca'iy ta co'tan, como te quilimba loc' bahel ta stojolic.

⁵Hich ya xc'ohon ta stojol Israel te bin ut'il ts'ujul, ha ya snichin hich te bin ut'il te lirio, soc hich ya xc'uhb bahel slohp' te bin ut'il te cedrohetic ta Líbano.

⁶Ya slim bahel te sc'abc'ab, te yutsilal hich ya xc'oht te bin ut'il te olivo, soc te sumet yic' hich te bin ut'il te Líbano.

⁷Ya suhtic tal, ya shuhcan sbahic ta ye'tal yaxinal; ya xcuxajic xan hich te bin ut'il trigo, ya snichin hich te bin ut'il ts'usub, te sumet yic' hich ya xc'oht te bin ut'il te vino yu'un Líbano.

⁸Hich me ya yal te Efraín: ¿Bin cochel a te loc'ombahetic? xchi. Ho'on ya ca'iybe sc'op soc ya jcanantay; hich ya xc'ohon ta stojol te bin ut'il taj te spisil ora yax, ya xloc' tal ta jtojol te sit awu'une.

⁹¿Mach'a a te ay sp'ijil te ya sna'be scuentahil ini? ¿Mach'a ya sna' tsahtayel yu'un ya xc'oht ta yo'tan? Como toj te behetic yu'un Jehová, te mach'atic toj yo'tanic, ha ya st'unic, pero te jtoybahetic ya sc'ohchin sbahic tey a.