Read Tzeltal Oseas 3 Bible Online

Oseas 3 - Tzeltal bible

Oseas 3

¹Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi.

²Ha yu'un la jman te ants ta ho'lajuneb (15) ta sehp plata soc j'ohlil scheb homer[13] cebada.

³Hich la jcalbe: Cu'un ya xc'ohat bayel c'ahc'al; ma me xawac' aba ta antsinel, ma me xawac' aba ta stojol yan winic, ha nix hich ya jpas ta atojol, xchihon.

⁴Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

⁵Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.