Read Tzeltal Oseas 9 Bible Online

Oseas 9 - Tzeltal bible

Oseas 9

¹Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

²Te yawil smajojibal trigo soc te yawil spits'ojibal ts'usub ma ba ya xmac'linotic yu'un, soc ma tic'uc a te ya'lel ts'usub.

³Ma ba ya xhilic ta sq'uinal Jehová, te Efraín ya suht bahel ta Egipto, soc ta Asiria me ya swe'elin we'elil te bohloben sc'oblale.

⁴Ma ba ya smalic malbil mahtaniletic ta stojol Jehová, soc ma ba lec yo'tan Jehová yu'un te chic'bil mahtaniletic yu'unique. Ha pan yu'un mel-o'tan ya xc'oht yu'unic, spisil te mach'atic ya swe'ic ya xbohlob sc'oblalic yu'un. Ha nix yu'unic ya xc'oht te pan, ma ba ya x'och ta sna Jehová.

⁵¿Bin yac apasic ta sc'ahc'alel muc'ul q'uin, ta sc'ahc'alel te q'uin yu'un Jehová?

⁶Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.

⁷C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.

⁸Te jalwanej ha j'il-q'uinal yu'un Dios ta stojol Efraín; pero ya sta yaquil ta spisil te behetic yu'un, soc ihlaybil ta sna te Dios yu'une.

⁹Jc'axel la sbohlobtes sbahic, hich te bin ut'il ta sc'ahc'alel Gabaa. Te Jehová ya me sna'be schopolil soc ya me ya'be castigo yu'un te smulique.

¹⁰Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

¹¹Te yutsilal Efraín ya me xwihl bahel hich te bin ut'il mut: ma ba ya x'ayin alal, ma ba ya xwolot alal, ma ba ya xhahch alal.

¹²Teme ay ya xmuc'ub te yal-snich'nabic, ya jloq'ues ta yohlilic. ¡Ay me swocolic te c'alal ya xloc'on bahel ta stojolic!

¹³Quiloj te Efraín te ha pajal soc Tiro, ay ta t'ujbil lugar; pero te Efraín ya sloq'ues te yal-snich'nab yu'un ya yich'ic milel, xchi te Jehová.

¹⁴Jehová, a'beya te bin ya sc'an yac awa'be; a'beya sch'uhtic te ya sc'ases yalic, soc a'beya xtaquij schu'ic.

¹⁵Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.

¹⁶Te Efraín ehchenajem, taquijem slohp', ma ba ya yaq'uix sit. Aunque ya x'ayin snich'nab, ya cac' lajuc te mulambil alal te ya x'ayin yu'unique.

¹⁷Ya xp'ajotic yu'un te Dios cu'un como ma ba la ya'iybeyic te sc'ope; xmelmon ya xbehenic ta nacionetic.