Read Tzeltal Números 7 Bible Online

Números 7 - Tzeltal bible

Números 7

¹Te c'alal hu' yu'un stehc'anel te Nahilpac' Templo te Moisés, la smal ta aceite soc la sch'ultes soc spisil te biluquetic yu'une. Ha nix hich la smal ta aceite soc la sch'ultes te scajtajib ta chiq'uel mahtanil soc te biluquetic yu'un.

²Ha yu'un te príncipaletic yu'un Israel, ha te jtsobawetic ta jujuchahp sna te sme'static, ha te príncipaletic yu'un te jujuchahp sts'umbal Israel te scuentahinejic te mach'atic la yich'ic ahtayel, nohpojic tal

³soc la yich'ic talel te mahtaniletic yu'unic ta stojol Jehová: ha waqueb carretahetic te macalic soc lahchaycoht (12) j'a'tel-wacaxetic, ta chebcheb príncipaletic la yaq'uic jun carreta, soc jcoht j'a'tel-wacax ta jujutuhl; la yaq'uic ta stojol te Nahilpac' Templo.

⁴Te Jehová hich la yalbe te Moisés:

⁵Ich'beya, ha ya xtuhun yu'un te a'tel ta Nahilpac' Templo yu'un tahojibal. A'beya te levitahetic, ha chican bin ya'telic ta jujutuhl, xchi.

⁶Ha yu'un te Moisés la yich' te carretahetic soc te j'a'tel-wacaxetic, la yac'ticlambe te levitahetique.

⁷La yac'ticlambe cheb carreta soc chancoht j'a'tel-wacax te snich'nab Gersón, ha chican te ya'telic;

⁸la yac'ticlambe chaneb carreta soc waxac-coht j'a'tel-wacax te snich'nab Merari, ha chican te ya'telic te cuentahimbil yu'un Itamar te snich'an sacerdote Aarón.

⁹Yan te snich'nab Coat mayuc bin la ya'be como ha ay ta scuentahic sq'uechel bahel te ch'ul biluquetique.

¹⁰Te príncipaletic la yich'ic tal te mahtaniletic yu'un yaq'uel ta stojol Dios te scajtajib ta chiq'uel mahtanil te bin c'ahc'alil te la yich' malel ta aceite scuenta ch'ultesel. Te príncipaletic la yaq'uic hilel te mahtanil yu'unic ta stojol te scajtajib ta chiq'uel mahtanil.

¹¹Te Jehová la yalbe te Moisés: Ya me yaq'uic te mahtanil yu'unic, jujutuhl príncipal ta jujun c'ahc'al, scuenta yaq'uel ta stojol Dios te scajtajib ta chiq'uel mahtanil, xchi.

¹²Te mach'a la yac' te mahtanil yu'un ta sba c'ahc'alil ha te Naasón snich'an Aminadab, te sts'umbal Judá.

¹³Te smahtan, ha jun plato pasbil ta plata te lajuneb shucwinic (130) siclo yalal;[12] jun jarra pasbil ta plata te lajuneb schanwinic (70) siclo yalal,[13] ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

¹⁴jun muc'ul cuchara pasbil ta oro te lajuneb siclo yalal[14] nojel ta pom;

¹⁵jcoht jcolel toro, jcoht tat tuminchij, soc jcoht tat tuminchij te jun ya'bilal, scuenta scohtol chic'bil mahtanil;

¹⁶jcoht tat tentsun scuenta mahtanil yu'un stojel mulil;

¹⁷soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilale. Ha te mahtanil yu'un Naasón, te snich'an Aminadab.

¹⁸Ta schebal c'ahc'al la yac' mahtanil yu'un te Natanael snich'an Zuar, príncipal yu'un Isacar.

¹⁹La yac' jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

²⁰jun muc'ul cuchara pasbil ta oro te lajuneb (10) siclo yalal nojel ta pom;

²¹jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

²²jcoht tat tentsun scuenta mahtanil yu'un stojel mulil;

²³soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Natanael snich'an Zuar.

²⁴Ta yoxebal c'ahc'al te Eliab snich'an Helón, príncipal yu'un snich'nab Zabulón,

²⁵la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

²⁶jun muc'ul cuchara pasbil ta oro te lajuneb (10) siclo yalal nojel ta pom;

²⁷jcoht jcolel toro, jcoht tat tuminchij, soc jcoht tat tuminchij te jun ya'bilal, scuenta scohtol chic'bil mahtanil;

²⁸jcoht tat tentsun scuenta mahtanil yu'un stojel mulil;

²⁹soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Eliab snich'an Helón.

³⁰Ta schanebal c'ahc'al te Elisur snich'an Sedeur, príncipal yu'un snich'nab Rubén,

³¹la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

³²jun muc'ul cuchara pasbil ta oro te lajuneb (10) siclo yalal nojel ta pom;

³³jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

³⁴jcoht tat tentsun scuenta mahtanil yu'un stojel mulil;

³⁵soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Elisur snich'an Sedeur.

³⁶Ta yo'ebal c'ahc'al te Selumiel snich'an Zurisadai, príncipal yu'un snich'nab Simeón,

³⁷la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

³⁸jun muc'ul cuchara pasbil ta oro te lajuneb (10) siclo yalal nojel ta pom;

³⁹jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁴⁰jcoht tat tentsun scuenta mahtanil yu'un stojel mulil;

⁴¹soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Selumiel snich'an Zurisadai.

⁴²Ta swaquebal c'ahc'al te Eliasaf snich'an Deuel, príncipal yu'un snich'nab Gad,

⁴³la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo te ch'ul awilal, schebal nojelic ta lequil harina wots'bil soc aceite scuenta mahtanil harina;

⁴⁴jun muc'ul cuchara pasbil ta oro te lajuneb (10) siclo yalal nojel ta pom;

⁴⁵jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁴⁶jcoht tat tentsun scuenta mahtanil yu'un stojel mulil;

⁴⁷soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Eliasaf snich'an Deuel.

⁴⁸Ta shuquebal c'ahc'al te Elisama snich'an Amiud, príncipal yu'un snich'nab Efraín,

⁴⁹la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

⁵⁰jun muc'ul cuchara pasbil ta oro te lajuneb (10) siclo yalal nojel ta pom;

⁵¹jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁵²jcoht tat tentsun scuenta mahtanil yu'un stojel mulil;

⁵³soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Elisama snich'an Amiud.

⁵⁴Ta swaxaquebal c'ahc'al te Gamaliel snich'an Pedasur, príncipal yu'un snich'nab Manasés,

⁵⁵la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

⁵⁶jun muc'ul cuchara pasbil ta oro te lajuneb (10) siclo yalal nojel ta pom;

⁵⁷jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁵⁸jcoht tat tentsun scuenta mahtanil yu'un stojel mulil;

⁵⁹soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Gamaliel snich'an Pedasur.

⁶⁰Ta sbalunebal c'ahc'al te Abidán snich'an Gedeoni, príncipal yu'un snich'nab Benjamín,

⁶¹la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

⁶²jun muc'ul cuchara pasbil ta oro te lajuneb (10) siclo yalal nojel ta pom;

⁶³jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁶⁴jcoht tat tentsun scuenta mahtanil yu'un stojel mulil;

⁶⁵soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Abidán snich'an Gedeoni.

⁶⁶Ta slajunebal c'ahc'al te Ahiezer snich'an Amisadai, príncipal yu'un snich'nab Dan,

⁶⁷la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

⁶⁸jun muc'ul cuchara pasbil ta oro te lajuneb (10) siclo yalal nojel ta pom;

⁶⁹jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁷⁰jcoht tat tentsun scuenta mahtanil yu'un stojel mulil;

⁷¹soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht jcolel tat tuminchij te jujun ya'bilal. Ha te mahtanil yu'un Ahiezer snich'an Amisadai.

⁷²Ta sbuluchebal c'ahc'al te Pagiel snich'an Ocrán, príncipal yu'un snich'nab Aser,

⁷³la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

⁷⁴jun muc'ul cuchara pasbil ta oro te lajuneb (10) siclo yalal nojel ta pom;

⁷⁵jcoht jcolel toro, tat tuminchij, soc jcoht tat tuminchij te jun ya'bilal scuenta scohtol chic'bil mahtanil;

⁷⁶jcoht tat tentsun scuenta mahtanil yu'un stojel mulil;

⁷⁷soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Pagiel snich'an Ocrán.

⁷⁸Ta slahchayebal c'ahc'al te Ahira snich'an Enán, príncipal yu'un snich'nab Neftalí,

⁷⁹la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

⁸⁰jun muc'ul cuchara pasbil ta oro te lajuneb (10) siclo yalal nojel ta pom;

⁸¹jcoht jcolel toro, jcoht tat tuminchij, soc jcoht tuminchij te jun ya'bilal scuenta scohtol chic'bil mahtanil;

⁸²jcoht tat tentsun scuenta mahtanil yu'un stojel mulil;

⁸³soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te smahtan Ahira snich'an Enán.

⁸⁴Hich ay te mahtanil la yaq'uic te príncipaletic yu'un Israel scuenta yaq'uel ta stojol Dios te scajtajib ta chiq'uel mahtanil, te c'alal la yich' malel ta aceite scuenta ch'ultesel: ha lahchayeb platohetic pasbil ta plata, lahchayeb jarrahetic pasbil ta plata, soc lahchayeb cucharahetic pasbil ta oro.

⁸⁵Te jujun plato lajuneb shucwinic (130) ciclo yalal, soc te jujun jarra lajuneb schanwinic (70) ciclo yalal. Ta spisil te plata pasbil a te platohetic soc jarrahetic wacbahc' (2,400) siclo yalal,[15] ha te siclo yu'un te ch'ul awilal.

⁸⁶Te lahchayeb cucharahetic pasbil ta oro nojel ta pom, lajuneb ciclo yalal jujun, hich te bin ut'il sp'isol yalal te ch'ul awilal. Ta spisil te oro yu'un te cucharahetic wacwinic (120) siclo yalal.[16]

⁸⁷Ta spisil te chambahlametic scuenta scohtol chic'bil mahtanil, ha lahchaycoht jcolel torohetic, lahchaycoht tat tuminchij, lahchaycoht tat tuminchij te jujun ya'bilal soc te mahtanil harina yu'une; soc lahchaycoht tat tentsun yu'un stojel mulil.

⁸⁸Ta spisil te chambahlametic yu'un mahtanil scuenta lamal q'uinal, ha chaneb scha'winic (24) ta coht torohetic, oxwinic (60) ta coht tat tuminchij, oxwinic (60) ta coht tat tentsun, soc oxwinic (60) ta coht tat tuminchij te jujun ya'bilale. Ha te mahtanil la yich' aq'uel scuenta yaq'uel ta stojol Dios te scajtajib ta chiq'uel mahtanil ta patil te la yich' malel ta aceite scuenta ch'ultesel.

⁸⁹C'alal ya x'och bahel Moisés ta Nahilpac' Templo yu'un tahojibal ta sc'oponel Dios, ya ya'iy te c'op te ya xc'oponot yu'un ta sba te yawil stahel perdón te ay ta sba te scaxahul Testigo-c'op ta yohlil te cheb querubinetic. Hich ya xc'oponot a.