Read Tzeltal Miqueas 2 Bible Online

Miqueas 2 - Tzeltal bible

Miqueas 2

¹Ay me swocolic te mach'atic ay ta swayibic a te ya snopic spasel bintic chopol, te ya schapic bin chopol ya spasic, c'alal ya sacub q'uinal ya sc'ohtesic ta pasel, como ya xhu' yu'unic te ya spasique.

²Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

³Ha yu'un hich yaloj te Jehová: Chapalix cu'un te ya ca'be te bin chopol ta stojol te ants-winiquetic ini te ma xhu' yac acoltay abahic yu'une; ma ba soc toybahil ya xbehenex, como ha yorahil wocol.

⁴Ta hich ora ya shachic ta atojolic tsahbil c'op, ya sc'ayojtayex ta c'ayoj yu'un mel-o'tan te hich ya yalic: Jpisiltic jc'axel la jquich'tic jinel; te Jehová la sjelbe te bintic ay yu'un te pueblo cu'une. ¡La sloq'uesbotic te jq'uinaltic, la spucticlambe yantic! xchihic ta c'ayoj.

⁵Ha yu'un mayuc mach'a ta tsoblej yu'un Jehová te ya spucticlan q'uinal ta scuenta spasel seña ta na'el.

⁶Ma xawal sc'op-jalwanej, xchihic te jalwanejetic yu'unic; ma xawalbe sc'oblal ini, como ma ba ya stahotic te q'uexlale, xchihic.

⁷Ha'at te hich yac awal, sna Jacob, ¿Yu'un bal lajemix yo'tan te Jehová? ¿Ha bal te a'teliletic yu'un ini? ¿Ma bal lecuc bin ya spas te jc'op ta stojol te mach'a toj ya xbehen?

⁸Te mach'a pueblo cu'un wojey, hahchemix hich te bin ut'il jcontra; yac aloq'uesbeyic smuc'ul-c'u' te mach'atic jun yo'tan ya xc'axic bahel, te mach'atic ya suhtic tal ta guerra.

⁹Yac ach'ojic loq'uel te antsetic yu'un te pueblo cu'un ta snahic te bayel mulambil yu'unic; jc'axel yac aloq'ues bahel te halbeyel cutsilal ta stojol te alaletic yu'unique.

¹⁰Hahchanic, behenanic, como ma ha'uc lugar yu'un cux-o'tanil ini, yu'un bohlobenix, jc'axel jihnemix.

¹¹Teme ay mach'a yac snopbel bin ma meleluc, te hich ya yal ta lot: Ya calbat sc'oblal vino soc tulan uch'balil, teme xchihe, ha me jalwanej ya sc'an te pueblo ini.

¹²Ya jtsobex apisilic, Jacob, ya jtsob te mach'atic hilemic yu'un Israel; hich ya jtsob tal te bin ut'il tuminchijetic ta corral, hich te bin ut'il jtsohb tuminchijetic ta aquiltic, hich xjuyet ya xc'oht te bin ut'il c'ax bayel ants-winiquetic.

¹³Te mach'a ya sjam te be ya xnahilij bahel yu'unic; ya sjamic bahel te be, ya xc'axic ta yochibal, tey ya xloq'uic bahel a. ¡Ha ya xnahilij bahel te ajwalil yu'unic, soc ha jolal yu'unic te Jehová!