Read Tzeltal Romanos 6 Bible Online

Romanos 6 - Tzeltal bible

Romanos 6

¹¿Bin ya caltiquix yu'un a hiche? ¿Ya bal jpasulantic xan mulil scuenta yu'un ya xp'ohl xan a te yutsil-o'tanile?

²¡Ban c'an hichuc! Como te ho'otic chamenotiquix ta stojol mulil, ¿bin ut'il c'an cuxajucotic xan tey a?

³¿Ma bal ana'ojic te jayebotic quich'ojtiquix ha' ta scuenta Cristo Jesús pajal lajotic soc?

⁴Como ta scuenta ich'-ha' pajal quich'ojtic muquel soc, scuenta yu'un te bin ut'il cha'cuxaj tal ta yohlil mach'atic chamenic te Cristo ta scuenta yutsilal te Jtatic Dios, ha nix hichotic ya xcuxajotic ta yach'il cuxlejal.

⁵Teme pajal lajotic soc Cristo te bin ut'il jun ayotic soc, ha nix hich ya me xcha'cuxajotic hich te bin ut'il cha'cuxaj stuquel.

⁶Jna'ojtic te pajal ac'ot ta lajel ta cruz soc Cristo te jpoco'-taleltic, scuenta yu'un ya xlaj te baq'uet yu'un mulil, scuenta yu'un ma ba ya cac' jbahtiquix ta a'batinel yu'un te mulile,

⁷como te mach'a chamene, colemix ta libre yu'un te mulile.

⁸Teme pajal chamotic soc Cristo, jch'uhunejtic te pajal ya xcuxajotic soque.

⁹Como jna'ojtic, te bin ut'il cha'cuxajemix tal te Cristo ta yohlil te mach'atic chamenic, ma ba ya xchamix xan; ma ba ya x'u'untayotix yu'un te lajele.

¹⁰Como te bin ut'il cham, jmehl nax cham ta scuenta te mulile; pero te bin ut'il cuxulix, ha cuxulix ta stojol Dios.

¹¹Ha nix hichex, chamenuquex me xap'is abahic ta stojol mulil, pero cuxuluquex me ta stojol Dios ta scuenta te Cajwaltic Cristo Jesús.

¹²Ha yu'un ma me xawac' scuentahimbeyex abaq'uetalic te mulil, yu'un yac ach'uhunic spasel te bintic chopol ya smulan spasele;

¹³soc ma me xawac' ta tuhunel yu'un mulil te abaq'uetalic ta spasel bintic chopol, ha me xawac' abahic ta stojol Dios, te bin ut'il cuxajemex loq'uel tal ta yohlil mach'atic chamenic; ha me xawac' ta tuhunel yu'un Dios te abaq'uetalic ta spasel bintic toj.

¹⁴Como ma ba ya scuentahinexix te mulil, como ma ba ayex ta scuenta te Ley, ha ayexix ta scuenta te yutsil-o'tanile.

¹⁵¿Bin ut'il ay a? ¿Ya bal jle xan jmultic te bin ut'il ma ba ayotiquix ta scuenta te Ley, te bin ut'il ayotiquix ta scuenta te yutsil-o'tanil? ¡Ban c'an hichuc!

¹⁶¿Ma bal ana'ojic teme yac awac' abahic ta mosohil yu'un yan scuenta yu'un yac ach'uhumbeyic smandar, te ha smosohex te mach'a yac ach'uhumbe smandar, teme ha te mulil te ya yac' lajel o teme sch'uhunel mandar te ya yac' te toj ya x'ilot yu'un Dios?

¹⁷Pero wocol yal Dios, aunque smosohinejex te mulil ta nahil to, jun awo'tan ach'uhunejiquix te bin ac'ot anopique.

¹⁸Libre ac'otex yu'un mulil, ha a'bat c'ohemexix yu'un te bintic toj ta pasele.

¹⁹Hich ya xc'opojon te bin ut'il winic ta scaj te ch'ich'-baq'uetex te mayuc awipic. Hich te bin ut'il la awac' ta a'batinel abaq'uetalic yu'un spasel te bintic ihlobtic sba soc te bintic chopol, ha nix hich yo'tic ac'a ta a'batinel abaq'uetalic yu'un spasel te bintic toj scuenta ach'ulteselic.

²⁰Te c'alal ayex ta mosohil yu'un a te mulile, libre ayex yu'un te bintic toj ta pasel.

²¹Pero ¿bin la atahic a te yo'tic ya xq'uexawexix yu'un? Como ya yaq'uex ta lajel stuquel.

²²Pero yo'tic, te bin ut'il libre c'ohemex yu'un te mulil soc te a'bat c'ohemex yu'un Dios, atahojic ch'ultesel te ya yac' cuxlejal sbahtel q'uinal.

²³Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.