Read Tzeltal 2 Corintios 2 Bible Online

2 Corintios 2 - Tzeltal bible

2 Corintios 2

¹Ha scuentahil te la jnop te ma ba ya xtal quilex scuenta yu'un ma ba ya ca'beyex amel awo'tanic yan buelta.

²Como teme ho'on ya ca'beyex amel awo'tanic, ¿mach'a ya xhu' ya smuc'ubtesbon q'uinal ya ca'iy ta patil, ma bal ha'uc te mach'a la jca'be smel yo'tan?

³Hich la jts'ihbabeyex scuenta yu'un te c'alal ya xc'ohon ma ba ya ya'bonic jmel co'tan te mach'atic sc'oblal ya ya'bon stse'elil co'tan. Sch'uhunej co'tan te ha awu'unic ya xc'oht te stse'elil co'tane.

⁴Como bayel yacon ta mel-o'tan soc pich'il co'tan soc yacon ta oq'uel a te la jts'ihbabeyex, ma yu'unuc te ya ca'beyex amel awo'tanic, ha nax yu'un te ya ca'beyex ana'ic te bayel c'uxex ta co'tane.

⁵Teme ay mach'a la yac'on ta mel-o'tan, ma ho'ucon nax jtuquel te la yac'on ta mel-o'tan, ay nix la yaq'uex ta mel-o'tan ta apisilic, (teme ma ba ya xjelawon ta c'op ta atojolic).

⁶Tic'uc a te castigo te tsobolex la awa'beyique.

⁷Ya sc'an te yac apasbeyiquix perdón soc yac awa'beyiquix smuc'ul yo'tan, scuenta yu'un ma ba ya xtsalot yu'un c'ax bayel mel-o'tan.

⁸Ha yu'un hawocolicuc, a'beyahic yil yan buelta te c'ux yac awa'iyic ta awo'tanic,

⁹como ha scuentahil te la jts'ihbabeyex, yu'un ya jtsajex quil teme yac ach'uhunic spasel ta spisil.

¹⁰Te mach'a yac apasbeyic perdón, ha nix hichon ya jpasbe perdón. Te bin ut'il la jpasbe perdón, teme ay nix bin la jpasbe perdón yu'un, ha'ex ta acuentahic te la jpasbe perdón ta stojol Cristo,

¹¹scuenta yu'un ma ba ya stsalotic a te Satanás, como jna'ojtic te bin ya spas ta lo'loywanej stuquel.

¹²Te c'alal c'ohon ta Troas ta yalel te lec yach'il c'op yu'un Cristo, aunque la jquil te la sjambon ti'nahil te Cajwaltic,

¹³ma ba jun co'tan ayon, yu'un ma ba la jta tey a te quermano Tito. Ha yu'un la jpatbe hilel yo'tanic te mach'atic tey ay a, bohon ta Macedonia.

¹⁴Pero wocol yal Dios, te ha spisil ora ya yac' ca'iytic tsalaw ta scuenta Cristo, soc te ha ta jcuentatic ya yac' ta ilel ta bayuc te sumet yic' yu'un sna'beyel sba.

¹⁵Como ta stojol Dios ha sumet yic' Cristo c'ohemotic ta stojol te mach'atic ya xcolic soc te mach'atic ya xch'ayique.

¹⁶Ta stojol te mach'atic ya xch'ayic, ha yic' scuenta lajel c'ohemotic yu'unic; ta stojol te yantic, ha yic' scuenta cuxlejal. ¿Mach'a a te ya xhu' yu'un spasel ini?

¹⁷Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.