Read Tzeltal Colosenses 3 Bible Online

Colosenses 3 - Tzeltal bible

Colosenses 3

¹Ha yu'un teme cha'cuxajemex soc Cristo, ha me xalehic te bintic ay ta toyol, ta banti hucul ta swa'el-c'ab Dios te Cristo.

²Ha me xawac' asitic a te bin ay ta toyol, ma ha'uc te bintic scuenta te bahlumilal,

³como chamenex soc nac'bil acuxlejalic soc Cristo ta stojol Dios.

⁴Te c'alal ya xchicnaj tal te Cristo, te ha acuxlejalic, hich ya xchicnajex soc a ta utsilal.

⁵Ha yu'un ac'a chamuc te bintic scuenta bahlumilal te ay ta awo'tanic: ha te antsiwej soc antsinel, te bintic ilobtic sba, sc'anel bintic ma lecuc, smulanel spasel bin chopol, soc bic'tal-o'tanil, te ha pajal soc sch'uhunel loc'ombahetic.

⁶Ha ta scuentahic ini te ya xtal te yilimba Dios ta stojol te jc'axun-c'opetique.[1]

⁷Ha nix tey behenex a ta nahil to, te c'alal tey cuxulex a.

⁸Pero yo'tic ihquitayahic spisil ini: ilimba, c'ahc'ubel, snopel spasel bin chopol, bohlc'optaywanej soc ixta'c'op.

⁹Ma me xalotiy abahic, te bin ut'il la acholiquix loq'uel te apoco'-talelic soc te ya'tele,

¹⁰la alapiquix te yach'il acuxlejalic, te xquechet ta ach'ubel te hich yilel ya xc'oht te bin ut'il te Jpaswanej yu'une, scuenta yu'un ts'acal yac ana'beyic sba ta lec a.

¹¹Tey mayuc griego o judío, teme yich'oj circuncisión o ma ba yich'oj circuncisión, bárbaro[2] o jyanlum, moso o mach'a libre ay, ha nax ay sc'oblal stuquel te Cristo soc te ay ta co'tantic jpisiltic.

¹²Ha yu'un, ha'ex te tsahbilex yu'un Dios, te ch'ultesbilex soc c'uxultaybilex, lapahic te c'uxultaywanej, lequil-o'tanil, peq'uel-o'tanil, manso-o'tanil, soc ac'a cuhchuc awu'unic.

¹³Talel c'axel cuhchuc awu'unic soc pasbeya abahic perdón teme ay ya xhahch c'op awu'un soc te yane. Hich te bin ut'il la spasbeyex perdón te Cristo, ha ni me hich xapasbe abahic perdón.

¹⁴Ta sba spisil ini, lapahic te c'uxul-o'tanil, te ha ya xchuc spisil te jun ya xc'ohtic ta mero smelelil.

¹⁵Ac'a scuentahimbeyex awo'tanic te lamal q'uinal yu'un Cristo, te ha nix yu'un te la awich'ic tsobel ta junax baq'uet. Soc na'ahic me yalel wocol.

¹⁶Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

¹⁷Spisil te bintic yac apasic, teme ta ac'opic o te bin yac apasic, pasahic spisil ta scuenta sbihil te Cajwaltic Jesús, soc halbeyahic wocol te Jtatic Dios ta scuenta.

¹⁸Antsetic, ac'a abahic ta cuentahinel yu'un te amamalalic, hich te bin ut'il ya sc'an pasel ta scuenta te Cajwaltique.

¹⁹Winiquetic, c'ux me xawa'iy ta awo'tanic te awihnamic, ma me ayuc slab awo'tanic ta stojol.

²⁰Al-nich'anetic, ch'uhumbeyahic spisil smandar te ame'atatic, yu'un ha lec yo'tan yu'un te Cajwaltique.

²¹Ha'ex sme'statex, ma me xawac' ilinuc yo'tan te awal anich'anic, scuenta yu'un ma ba ya xlaj yutsil yo'tanic a.

²²Mosohex, ch'uhumbeyahic spisil smandar te awajwalic ta bahlumilal, ma me ha'uc to te c'alal yac yilbelex a, te hich lec ac'oblalic ya xc'oht yu'un, pero junuc me awo'tanic xapasic ta scuenta yich'el ta muc' te Diose.

²³Spisil te bintic yac apasic, spisiluc me awo'tan xapasic, hichuc te bin ut'il ta stojol te Cajwaltic, ma ha'uc ta stojol winiquetic,

²⁴yu'un yac ana'ic te ay bin ya x'a'bot awich'ic hilel yu'un te Cajwaltic yu'un, como ayex ta a'batinel yu'un te Cajwaltic Cristo.

²⁵Yan te mach'a ya spas te bin ma stojiluc, ya me x'a'bot stoj yu'un te bin ma stojiluc la spas, como ma tsahbiluc nax mach'a ay sc'oblal yu'un Dios.