Read Tzeltal Josué 19 Bible Online

Josué 19 - Tzeltal bible

Josué 19

¹Te schebal buelta te la yich' pasel seña ta na'el ha c'oht ta scuenta te sts'umbal Simeón, ha chican te jaychahp ayique. Te q'uinal te a'bot yich'ic ay ta yohlil te sq'uinal te sts'umbal Judá.

²Ha la yich'ic te Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siclag, Bet-marcabot, Hazar-susa,

⁶Bet-elbaot soc Saruhén; oxlajuneb (13) pueblohetic soc te tut pueblohetic yu'unic;

⁷Aín, Rimón, Eter, soc Asán; chaneb pueblohetic soc te tut pueblohetic yu'unic;

⁸soc ha nix spisil te tut pueblohetic te ayic ta sjoyobal te pueblohetic ini c'alal ta Baalat-beer, ha te Ramat ta banti te Neguev. Ha te q'uinal yu'un te sts'umbal Simeón, ha chican te jaychahp ayique.

⁹Te q'uinal te la yich' te sts'umbal Simeón tey loc' a ta sq'uinal te sts'umbal Judá, como c'ax bayel q'uinal smacoj te sts'umbal Judá. Hich te sts'umbal Simeón tey la yich' sq'uinalic ta yohlil te sq'uinal Judá.

¹⁰Te yoxebal buelta te la yich' pasel seña ta na'el, ha c'oht ta scuenta te sts'umbal Zabulón, ha chican te jaychahp ayique. Te q'uinal la yich'ic c'oht c'alal ta Sarid.

¹¹Te smojonil mo bahel ta stojol banti ya xmahl c'ahc'al, baht ta Marala, c'oht c'alal ta Dabeset, tey baht c'alal ta uc'um te snuhp'usitayej sba soc Jocneam.

¹²Ta Sarid la yac' buelta ta stojol banti ya xloc' tal c'ahc'al c'alal ta sti'il Quislot-tabor, c'ax bahel ta Daberat, mo bahel ta Jafía;

¹³tey c'ax bahel ta stojol banti ya xloc' tal c'ahc'al, baht ta Gat-hefer soc ta Ita-cazín, c'oht ta Rimón soc la yac' buelta ta stojol Nea.

¹⁴Ta stojol norte la yac' buelta c'alal Hanatón, c'oht ta loq'uel ta spamlej yu'un Jefte-el;

¹⁵soc smacoj Catat, Naalal, Simrón, Idala soc Belén; lahchayeb (12) pueblohetic soc te tut pueblohetic yu'unique.

¹⁶Ha te q'uinal la yich'ic te sts'umbal Zabulón, ha chican te jaychahp ayic, ha te pueblohetic soc te tut pueblohetic yu'unique.

¹⁷Te schanebal buelta te la yich' pasel seña ta na'el ha c'oht ta scuenta te sts'umbal Isacar, ha chican te jaychahp ayique.

¹⁸Te sq'uinalic smacoj te Jezreel, Quesulot, Sunem,

¹⁹Hafaraim, Sihón, Anaharat,

²⁰Rabit, Quisión, Abez,

²¹Remet, En-ganim, En-hada soc Bet-pases.

²²Te smojonil c'oht ta Tabor, Sahazima soc Bet-semes, c'oht ta loq'uel ta muc'ul-ha' Jordán; waclajuneb (16) pueblohetic soc tut pueblohetic yu'unic.

²³Ha te q'uinal te c'oht ta scuenta te sts'umbal Isacar, ha chican te jaychahp ayic; ha te pueblohetic soc te tut pueblohetic yu'unique.

²⁴Te yo'ebal buelta te la yich' pasel seña ta na'el ha c'oht ta scuenta te sts'umbal Aser, ha chican te jaychahp ayique.

²⁵Te sq'uinalic smacoj te Helcat, Halí, Betén, Acsaf,

²⁶Alamelec, Amad soc Miseal; c'oht ta stojol banti ya xmahl c'ahc'al c'alal ta wits Carmelo soc Sihor-libnat;

²⁷patil la yac' buelta ta stojol banti ya xloc' tal c'ahc'al c'alal ta Bet-dagón, c'oht ta stojol norte c'alal ta Zabulón, ta sjuclej yu'un Jefte-el, ta Bet-emec, Neiel, soc c'oht ta Cabul ta stojol norte.

²⁸Ha yu'un ya smac te Hebrón,[20] Rehob, Hamón soc Caná, ha to c'alal ta muc'ul Sidón.

²⁹Tey la yac' buelta ta stojol Ramá soc c'alal ta Tiro te pueblo joybil ta ts'ahc, la yac' buelta ta stojol Hosa, c'oht ta loq'uel ta mar[21] ta sq'uinal Aczib,

³⁰soc te Uma, Afec soc Rehob: ha cheb scha'winic (22) pueblohetic soc te tut pueblohetic yu'unique.

³¹Ha te q'uinal yu'un te sts'umbal Aser, ha chican te jaychahp ayic; ha te pueblohetic soc te tut pueblohetic yu'unique.

³²Te swaquebal buelta te la yich' pasel seña ta na'el ha c'oht ta scuenta te sts'umbal Neftalí, ha chican te jaychahp ayique.

³³Te smojonil hahch bahel ta Helef, Alón-saananim, Adami-neceb soc Jabneel, c'alal ta Lacum, c'oht ta loq'uel ta muc'ul-ha' Jordán;

³⁴la yac' buelta ta stojol banti ya xmahl c'ahc'al ta stojol Aznot-tabor, tey c'ax bahel ta Hucoc, c'oht ta Zabulón ta stojol sur, jun smojonic soc Aser ta stojol banti ya xmahl c'ahc'al, soc jun smojonic soc ta muc'ul-ha' Jordán ta stojol banti ya xloc' tal c'ahc'al.

³⁵Te pueblohetic joybilic ta ts'ahc ha te Sidim, Zer, Hamat, Racat, Cineret,

³⁶Adama, Ramá, Hazor,

³⁷Cedes, Edrei, En-hazor,

³⁸Irón, Migdal-el, Horem, Bet-anat soc Bet-semes; balunlajuneb (19) pueblohetic soc te tut pueblohetic yu'unique.

³⁹Ha te q'uinal te c'oht ta scuenta te sts'umbal Neftalí, ha chican te jaychahp ayic; ha te pueblohetic soc te tut pueblohetic yu'unique.

⁴⁰Te shuquebal buelta te la yich' pasel seña ta na'el ha c'oht ta scuenta te sts'umbal Dan, ha chican te jaychahp ayique.

⁴¹Te sq'uinalic te yich'ojic, smacoj te Zora, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ecrón,

⁴⁴Elteque, Gibetón, Baalat,

⁴⁵Jehud, Bene-berac, Gat-rimón,

⁴⁶Mejarcón soc Racón, soc te q'uinal te snuhp'usitayej sba soc Jope.

⁴⁷Pero ma ba loc' a te sq'uinal te sts'umbal Dan, ha yu'un baht ya'beyic guerra te Lesem, la yich'ic soc la smilticlanic ta espada, hich la yu'untayic soc nahinic tey a. La ya'beyic sbihil Dan, te ha sbihil te statique.

⁴⁸Ha te q'uinal te c'oht ta scuenta te jchahp sts'umbal Dan, ha chican te jaychahp ayic; ha te pueblohetic soc te tut pueblohetic yu'unique.

⁴⁹C'alal laj yo'tanic ta spuquel te q'uinal ta jujusehp, te snich'nab Israel la ya'beyic sq'uinal te Josué snich'an Nun ta yohlilic.

⁵⁰Hich te bin ut'il yaloj te Jehová, la ya'beyic te pueblo te c'ambotic yu'un Josué, ha te Timnat-sera te ay ta witsiltic yu'un Efraín. Ha la scha'pas xan te pueblo soc tey nahin a.

⁵¹Ha ini te q'uinaletic te sacerdote Eleazar, Josué snich'an Nun, soc te jolaletic ta jujuchahp na te la spucbeyic ta scuenta spasel seña ta na'el te jujuchahp snich'nab Israel ta Silo ta stojol Jehová, ta yochibal te Nahilpac' Templo yu'un tahojibal. Hich laj yo'tanic ta spuquel te q'uinale.