Read Tzeltal Santiago 3 Bible Online

Santiago 3 - Tzeltal bible

Santiago 3

¹Quermanotac, ma me tsoboluquex te yac awa'iyic p'ijubteswanej, como ana'ojic te c'ax tulan xan ya quich'cotic ich'el ta c'op.

²Jpisiltic bayel buelta ya xjelawotic. Teme ay mach'a ma ba ya xjelaw ta c'op, mero lec c'ohem, ya xhu' yu'un scomel spisil te sbaq'uetale.

³Teme ya cotsesbetic freno ta ye te cawuhetic scuenta yu'un ya yich'otic ta cuenta a, hich ya xhu' ya jtojobtestic scohtol a te sbaq'uetale.

⁴Ha nix hich te barcohetic, aunque muq'uic soc ya xtenotic yu'un tulan ic', ta scuenta te stut timonal ya xtojobtesotic ta behel yu'un te mach'a yac ta stijel ha chican banti ya sc'an ya xbaht.

⁵Ha nix hich te cac'tic, tut nax, pero bayel ya stoy sba ta c'op. Ilawil, ¡jxuht' te c'ahc' te ya schic' te muc'ul tohyem te'etique!

⁶Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

⁷Spisil ta chahp chambahlametic, mutetic, chanetic soc bintic cuxajtic ta mar ya xc'ahyic, soc yich'ojic c'ahytesel yu'un ants-winiquetic;

⁸pero mayuc mach'a ya xhu' yu'un ya sc'ahytes te yac', te ha chopol te ma xhu' ta comel, ha nojel ta svenenohil lajel.

⁹Ha ya calbetic yutsil sc'oblal a te Jtatic Dios soc ha nix ya jbohlobtesbe sc'oblal a te ants-winiquetic te slop'tayej sba a te Diose.

¹⁰Ta junax quetic ya xloc' te bin lec sc'oblal soc te bin chopol sc'oblale. Quermanotac, ma hichuc pasel ya sc'an.

¹¹¿Ya bal xhu' te ta junax sloq'uib ha' ya xloc' chi'il ha' soc ch'ahal ha'?

¹²Quermanotac, ¿ya bal xhu' ya yac' aceituna te higuera-te', o ya bal xhu' ya yac' higo ta ts'usubiltic? Ha nix hich te sloq'uib ha' ma xhu' ya yac' chi'il ha' soc ha' ay yats'amul.

¹³¿Mach'a a te ay sp'ijil yo'tan ta awohlilic soc te ay bin ya sna'? Ac'a yac' ta ilel ta scuenta te lec stalel te bin ut'il ya spas ya'tel soc peq'uel yo'tan soc sp'ijil yo'tan.

¹⁴Yan teme xti'ton awo'tanic soc teme ay tsaltamba ta awo'tanic, ma me xatoy abahic yu'un soc ma me xawa'iyic lot ta scontrahinel te smelelil c'ope.

¹⁵Te p'ijil-o'tanil ini ma ha'uc te talem te toyol, scuenta nax bahlumilal, scuenta nax ch'ich'-baq'uet, ha yu'un pucuj.

¹⁶Como te banti ay ti'ti'o'tantaywanej soc tsaltamba, ay jinel tey a soc spisil bintic chopol ta pasel.

¹⁷Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

¹⁸Te sit te bin stojil ta pasel ya yich' ts'unel ta scuenta lamal q'uinal yu'un te mach'atic ya yaq'uic lahmajuc te q'uinale.