Read Tzotzil Génesis 3 Bible Online

Génesis 3 - Tzotzil bible

Génesis 3

¹Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse: —Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?

²Ti antse xi laj staq'ue: —Xu' jlo'becutic sat ti c'usiuc no'ox lo'bolal te'ale.

³Ja' no'ox un, mu xu' jlo'becutic sat ti jpets ti teq'uel ta o'lol ts'unubale. Yu'un laj yalbuncutic ti Diose, mi ja'uc xu' ta jtul jlo'becutic sat ti te' le'e. Yu'un ti mi jech ta jpascutique, ta xichamcutic.

⁴Ja'uc ti chone xi laj yalbe ti antse: —Mu meleluc, mu xachamic yu'un.

⁵Yu'un ti Diose sna'oj lec ti c'alal ta xalo'beic ti sat te' le'e, ta sjam ti asatique yo' jech ta xavilic ti c'usi leque xchi'uc ti c'usi chopole. Yu'un ta xac'otic jech c'u cha'al ti Diose.

⁶Ti antse c'upil sba laj yil ti sat te'e. Yo'ntonuc xa slo' ya'i yo' jech ta xbijub. Laj xtuch' jbej ti sat te'e, laj slo'. Ts'acal to laj yac'be ti smalale, laj slo' ec.

⁷Ti jech taje, ta jech to yepal, jam ti satique, ja' to laj yilic ti t'anal xchibalique. Ja' yu'un un, lic sts'isic yanal te' yo' ta smac o sbaic.

⁸Ta mal c'ac'al ti c'alal yorail ja' o xjumet ti iq'ue, ti vinique ti antse laj ya'iic ta xanav ta yut ts'unubal ti Dios ti ja' Ajvalile. Bat snac' sbaic ta anil ta yut te'etic ti ta ts'unubaltique.

⁹Ti Dios ti ja' Ajvalile xi laj sbiiltas ti vinique: —¿Bu oyot?

¹⁰Xi laj stac' ti vinique: —Laj ca'i ti tey ta xaxanav ta ts'unubaltique. Lixi', yu'un t'analun. Jech o xal laj jnac' jba.

¹¹Va'i un, xi jac'bat yu'un ti Diose: —¿Buch'u laj yalbot ti t'analote? ¿Mi yu'un laj xa alo' ti sat te' ti laj calbot ti mu xalo'e?

¹²Ti vinique xi laj staq'ue: —Ti ants ti laj avac'bun ta jchi'ile, laj yac'bun ti sat te'e, laj jlo' ec.

¹³Va'i un, ti Dios ti ja' Ajvalile xi laj sjac'be ti antse: —¿C'u cha'al jech laj apas? Xi laj stac' ti stuque: —Ja' laj slo'laun ti chone. Jech o xal laj jlo'.

¹⁴Ti Dios ti ja' Ajvalile xi laj yalbe ti chone: —Ti jech laj apase, atuc no'ox ti mu'yuc amelol ta xacom ta scotol ti yan chon bolometique. Li' ta xlic batel ti xajochochet ta lum ta xaxanave. Lum ta xlic alo'.

¹⁵Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

¹⁶Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

¹⁷Xi albat ti vinique: —Ti jech laj ach'unbe sc'op ti avajnile, ti laj alo' ti sat te' ti laj calbot ti mu xu' xalo'e, ta scoj amul ti ta soc ti banomile. Ta xavel achic' ava'lel ta tsots abtel yo' ta xata ave'el ti c'u sjalil cuxulot ta banomile.

¹⁸Jech ti banomile ta xac' ch'iuc ep ta tos ch'ixetic ta aventa. Ja' jech xtoc ta xlic alo' te'tical itajetic.

¹⁹Ta achic', ta ava'lel, ta xata ti ave'ele ja' to ti mi lajoybij ta lum ta ach'el ti laj avich' meltsanele. Yu'un ta banomil lalic talel. Ta banomil ono'ox ta xajoybij batel.

²⁰Ti vinique laj yac'be sbiin Eva[1] ti yajnile, yu'un ja' c'ot ta me'il yu'un scotol ti buch'u cuxulique.

²¹Ti Dios ti ja' Ajvalile laj spas c'u'il ta nucul yo' jech ta slap ti vinique xchi'uc ti yajnile.

²²Xi laj yal ti Diose: —Avi tana ti vinique jech xa ic'ot jech c'u cha'al ti vo'otique. Laj xa sna' ti c'usi leque xchi'uc ti c'usi chopole. Naca mi xbat stsac ti sat te' ti ta xac' cuxlejale, ti ta slo' yo' jech ta xcuxi oe.

²³Jech o xal ti Dios ti ja' Ajvalile laj sloq'ues batel ti vinic ti ta ts'unubal ti ja' Eden sbie, bat yac' abtejuc ta banomil ti bu lic ayanuc talele.

²⁴Ti Diose, ti c'alal laj sloq'ues batel ti vinic ti ta sloq'ueb c'ac'ale, laj yac' jun chib jchabiej ts'unubal ti oy xiq'uique, xchi'uc jun espada ti ta xtil xojobal ta joyobe, yo' jech mu'yuc buch'u xu' ta xc'ot ti bu oy ti te' ti ta xac' cuxlejale.