Read Tzotzil Génesis 5 Bible Online

Génesis 5 - Tzotzil bible

Génesis 5

¹Ja' jech xcholet tal sbitac snitilultac ti Adán jech c'u cha'al li'e. C'alal laj smeltsan vinic ti Diose, solel sjunul jech laj sloc'ta ti c'u s'elan oy ti Dios stuque.

²Va'i un, laj smeltsan ti vinique xchi'uc ti antse, yu'un laj sts'uiltas ta yac'bel yich' ti c'uxubinel yu'une. Ti sc'ac'alil ti c'usi ora laj yich' meltsanele, xi laj yal ti Diose: “vinic-ants ta sbiin.”

³Yich'oj xa lajuneb yucvinic (130) jabil ti Adane ti c'alal ja' o voc' ti Set ti ja' xnich'one, ti sjunlej jech loc' jech c'u cha'al ti stuque.

⁴Ts'acal to un, cuxi to batel vaxaquib ciento (800) jabil. Laj to yil yan squerem stsebtac.

⁵Ta scotol ti c'u sjalil cuxie, ja' baluneb ciento xchi'uc lajuneb xcha'vinic (930) jabil. Ti jech xa xch'iel sc'opojel taje, cham.

⁶Yich'oj xa vo'ob svacvinic (105) jabil ti Sete ti c'alal voc' ti Enós ti ja' xnich'one.

⁷Ts'acal to un, ti Sete cuxi to batel vaxaquib ciento xchi'uc vucub (807) jabil. Laj to yil squerem stsebtac.

⁸Ta scotol ti c'u sjalil cuxie, ja' baluneb ciento xchi'uc lajcheb (912) jabil. Ti jech xch'iel sc'opojel taje, cham.

⁹Yich'oj xa lajuneb yo'vinic (90) jabil ti Enose ti c'alal voc' ti Cainán ti ja' xnich'one.

¹⁰Ts'acal to un, ti Enose cuxi to batel vaxaquib ciento xchi'uc vo'lajuneb (815) jabil. Laj to yil squerem stsebtac.

¹¹Ti ta scotol ti c'u sjalil cuxie, baluneb ciento xchi'uc vo'ob (905) jabil. Ti jech xch'iel sc'opojel taje, cham.

¹²Yich'oj xa lajuneb xchanvinic (70) jabil ti Cainane ti c'alal voc' ti Mahalaleel ti ja' xnich'one.

¹³Ts'acal to un, ti Cainane cuxi to batel vaxaquib ciento xchi'uc cha'vinic (840) jabil. Laj to yil squerem stsebtac.

¹⁴Ti ta scotol ti c'u sjalil cuxie, baluneb ciento xchi'uc lajuneb (910) jabil. Ti jech xch'iel sc'opojel taje, cham.

¹⁵Yich'oj xa vo'lajuneb xchanvinic (75) jabil ti Mahalaleele ti c'alal voc' ti Jared ti ja' xnich'one.

¹⁶Ts'acal to un, ti Mahalaleele cuxi to batel vaxaquib ciento xchi'uc lajuneb xcha'vinic (830) jabil. Laj to yil squerem stsebtac.

¹⁷Ti ta scotol ti c'u sjalil cuxie, vaxaquib ciento xchi'uc vo'lajuneb yo'vinic (895) jabil. Ti jech xch'iel sc'opojel taje, cham.

¹⁸Yich'oj xa chib sbalunvinic (162) jabil ti Jarede ti c'alal voc' ti Enoc ti ja' xnich'one.

¹⁹Ts'acal to un, ti Jarede cuxi to batel vaxaquib ciento (800) jabil. Laj to yil squerem stsebtac.

²⁰Ti ta scotol ti c'u sjalil cuxie, baluneb ciento xchi'uc chib xchanvinic (962) jabil. Ti jech xch'iel sc'opojel taje, cham.

²¹Yich'oj xa vo'ob xchanvinic (65) jabil ti Enoque ti c'alal voc' ti Matusalen ti ja' xnich'one.

²²Ti Enoque jun yo'nton cuxi xchi'uc ti Diose. Cuxi to batel vo'lajunvinic (300) jabil ti c'alal voq'uem xa ox ti Matusalene. Laj to yil squerem stsebtac.

²³Ti ta scotol ti c'u sjalil cuxie, vo'ob sbalunlajunvinic (365) jabil.

²⁴Ti jech jun yo'nton cuxi xchi'uc Dios ti Enoque, oy jun c'ac'al, sac ch'ay batel, yu'un iq'ue batel yu'un ti Diose.

²⁵Yich'oj xa vucub slajunvinic (187) jabil ti Matusalene ti c'alal voc' ti Lámec ti ja xnich'one.

²⁶Ts'acal to un, ti Matusalene cuxi to batel vucub ciento xchi'uc chib yo'vinic (782) jabil. Laj to yil squerem stsebtac.

²⁷Ti ta scotol ti c'u sjalil cuxie, baluneb ciento xchi'uc baluneb xchanvinic (969) jabil. Ti jech xch'iel sc'opojel taje, cham.

²⁸Yich'oj xa chib slajunvinic (182) jabil ti Lameque ti c'alal voc' ti jun xnich'one.

²⁹Noé laj yac'be sbi,[2] yu'un xi laj yale: “Ti Diose laj soques ti banomile. Ja' yu'un tsots sc'an abtel yo' jech ta xich' ts'unbel sbeel ti banomile, ja'uc ti querem li'e, ja' ta xac' cux o'ntonal.”

³⁰C'alal voq'uem xa ox ti Noee, jech ti Lameque cuxi to batel vo'ob ciento xchi'uc vo'lajuneb yo'vinic (595) jabil. Laj to yil squerem stsebtac.

³¹Ti ta scotol ti c'u sjalil cuxie, vucub ciento xchi'uc vuclajuneb xchanvinic (777) jabil. Ti jech xch'iel sc'opojel taje, cham.

³²Yich'oj xa vo'ob ciento (500) jabil ti Noee ti c'alal laj voc'uc ti xnich'nabe, ja'ic ti Seme, ti Came, xchi'uc ti Jafete.