Read Tzotzil 1 Crónicas 20 Bible Online

1 Crónicas 20 - Tzotzil bible

1 Crónicas 20

¹Oy jun velta, c'alal yorail ta xlic q'uixnajuc ti banomile, stalel liquem yu'unic ti ajvaliletic ti oy bu ta xc'ot yorail ta xloq'uic ta voletel ta paxyal ta xchan sc'obique, ti laj yic' batel yajsoldadotac ti Joabe, ti xvoletic ochel ta sjunul yosilal ti amonitaetique. Volol c'otic ta yu'ninel ti jteclum Rabae ti lilijem laj yictaic ta j'ech'ele. Le' une, comem ta Jerusalén ti Davide.

²Ta ts'acal to un, ti Davide laj sloq'ues ti rona meltsanbil ta oro ti nichimtasbil ta c'upil sba tonetic ti yich'oj oxlajuneb xcha'vinic (33) kilo ti slapoj sloc'ol yaj'ajvalilic ti amonitaetique. Laj spits loq'uel David ti jbej c'upil sba tone. Lic snaban ta srona stuc. Ep ti c'usitic toyol stojol laj staman loq'uel ti David ta jteclume.

³Ti c'u yepal com ti jnaclej ta jteclume, laj sloq'ues talel ti bu taje. Lic yac' abtejuc ta tuch' te', lic yac' abtejuc ta smajel trigo, ta sloquel banomil, ta spiquel ti eq'uele. Jech laj spasbe xtoc scotol jteclumetic yu'un ti amonitaetique. Ts'acal to, ti Davide sut ech'el ta Jerusalén xchi'uc scotol ti yajsoldadotaque.

⁴Ta ts'acal to un, oy jun velta lic stsac sbaic ta leto xchi'uc ti filisteoetic ta Gezere. Ti jech yorail taj une, ti Sibecai ti liquel talel ta Husae, laj smil laj yac' ta lo'il maxil ti Sipai snitilul ti inate' viniquetique.

⁵Ta yan letovajel ti lic yu'unic xchi'uc ti filisteoetique, ti Elhanán xnich'on ti Jaire, laj smil ti Lahmí xchi'il ta voq'uel ti Goliat ti liquel talel ta jteclum Gate, ti co'ol to s'elan jun ta yoc jolobil ti yacan slanzae.

⁶Ti ta jteclum Gate, lic no'ox yu'unic letovajel xtoc. Ti bu taje, oy jun vinic ti ech'em snatile, ti oy chanib xcha'vinic (24) ti sni' yoc sc'ob ta scotole, ti xi s'elane: ti jujun sc'obe, vaquib sni' sc'ob. Ti jujun yacane, vaquib sni' ti yacane. Ja' snitilul xtoc ti inate' viniquetique.

⁷Cajal ye sti' xa'i sba ta stojol ti Israele. Milat yu'un ti Jonatán xnich'on ti Simeae, xchi'il ta voq'uel ti Davide.

⁸Ti inate' viniquetic taje, ja' snitilultac ti Refa ti liquelic talel ta Gate, ti ochic ta sc'ob David xchi'uc ti yaj'opisialtaque.