Read Tzotzil 1 Crónicas 24 Bible Online

1 Crónicas 24 - Tzotzil bible

1 Crónicas 24

¹Snitilultac ti Aarón eque, svoc'ol voc' sjel stsac sbaic ta x'ech'ic ta tunel. Xnich'nab ti Aarón laj ech'uque, ja' ti Nadabe, ti Abiue, ti Eleazare, xchi'uc ti Itamare.

²Ja'uc le' une, ti Nadabe, xchi'uc ti Abiue, mu'yuc xnich'nabic com, yu'un ba'yel chamic, cuxul to com ti stotique. Jech o xal ti Eleazare xchi'uc ti Itamare lic sbainbeic ti yabtel ta paleale.

³Ti Davide, coltabil yu'un ti Sadoque, snitilul ti Eleazare, xchi'uc ti Ahimelec snitilul ti Itamare, svoc'ol voc' laj xch'aquic ti sjel stsac sbaic ta sventainel ti yabtel yu'unique.

⁴Ja'uc le' une, laj yilic ti x'ech' to yepalic querem viniquetic ti snitilultac ti Eleazare, ja' mu sta yepal yu'un ti Itamare. Jech o xal laj yich'ic ch'aquel vaclajunvo' (16) snitilultac ti Eleazare, vaxacvo' (8) snitilultac ti Itamare, ti c'otic ta banquilaletique.

⁵Ti c'u s'elan sjel stsac sbaic ta x'ochic ta abtel scotolique, laj yich'ic q'uelel ta yorail. Ti c'u yepal snitilultac ti Eleazare, xchi'uc ti c'u yepal snitilultac ti Itamare, oy jlom c'ot yorail yu'un ta sventainel ti c'usitic toj jtunele. Oy jlom c'otemic ta banquilal yajtuneltac ti Diose.

⁶Ts'acal to un, ti jts'ibajom levita Semaías sbie, xnich'on ti Natanaele, laj sts'ibabe sbiic, ta sba ta sat ti ajvalile, ti banquilaletique, ti pale Sadoque, ti Ahimelec xnich'on ti Abiatare, ti banquilaletic yu'un ti jujuchop ti paleetique, xchi'uc ti levitaetique. Ti c'u s'elan sjel sts'ac sbaic ta abtel ti jujuchope, ta yorail laj yich'ic q'uelel ti bu ta xc'otic ti cha'coj stunelic snitilultac ti Eleazare, ti jcoj stunelic snitilultac ti Itamare.

⁷Xi xcholet c'ot yorailic ti laj yich' q'uelel ta sliquebe, ti c'ot c'alal to chanib xcha'vinique (24): ti Joiaribe ti Jedaiase ti Harime ti Seorime ti Malquiase ti Mijamine ti Cose ti Abiase ti Jesuse ti Secaniase ti Eliasibe ti Jaquime ti Hupae ti Jesebabe ti Bilgae ti Imere ti Hezire ti Pisese ti Petahiase ti Hezequiele ti Jaquine ti Gamule ti Delaiase ti Maaziase

¹⁹Ja' yu'un un cha'e, laj yich'ic ch'acbel stunelic bu sjel stsac sbaic ta sbainel ti ch'ulnae, ti c'u s'elan laj yal mantal ti Ajvalil Dios yu'un ti Israel ta sventa albil comel ti Aarón ti smolmuc'totic ta vo'nee.

²⁰Xi s'elan ma' ti sbiic ti levitaetic ti c'otem ta ventae: ti Subael snitilul ti Amrame; ti Jehediase snitilul ti Subaele;

²¹Ti Isías ti c'otem ta banquilal yu'unic snitilultac ti Rehabiase.

²²ti Selomot snitilul ti Izhare; ti Jahat snitilul ti Selomote;

²³Ta snitilultac ti Hebrone, xi s'elane: Ti sliquebale, ja' ti Jeriase. Ti xchibale, ja' ti Amariase. Ti yoxibale, ja' ti Jahaziele. Ti xchanibale, ja' ti Jecamane.

²⁴Xi s'elan tsacbil c'ot ta venta ec: ti Micaía xnich'on ti Uziele; ti Samir xnich'on ti Micaiae;

²⁵ti Isías xchi'il ta voq'uel ti Micaiae; ti Zacarías xnich'on ti Isiase.

²⁶ti Mahli xchi'uc ti Musi xnich'nab ti Merarie; ti xnich'nab ti Jaaziase, ja' no'ox xnich'on ti Merarie.

²⁷Ti xnich'nab ti Jaazías xnich'on ti Merarie, ti Sohame, ti Zacure, xchi'uc ti Ibrie.

²⁸Ta sventa snitilultac ti Mahlie, ja' ti Eleazar ti mu'yuc laj yil squeremtaque, xchi'uc ti Cise; ti Jerahmeele, xnich'on ti Cise;

³⁰ti xnich'nab ti Musie, ja' ti Mahlie, ti Edare, xchi'uc ti Jerimote. Taje, naca levitaetic ti svoc'ol voc' oyic ta jujuchope.

³¹Ja' jechic ec, ta sba ta sat ti ajvalil Davide, ti Sadoque, ti Ahimeleque, ti banquilaletic yu'un jujuchop ti paleetique, xchi'uc ti levitaetique, laj yich' ch'acbel stunelic bu ta xc'ot yorailic jech c'u cha'al banquilaletic ti jujuchop yu'unique, jech c'u cha'al ti its'inal yu'unique, jech c'u cha'al yuts' yalaltac snitilultac ti Aarone.