Read Tzotzil 1 Crónicas 25 Bible Online

1 Crónicas 25 - Tzotzil bible

1 Crónicas 25

¹Ts'acal to un, ti Davide, xchi'uc ti banquilaletic yu'un ti buch'utic oyic ta tunele, laj yac'beic yich' cajal yabtelic xnich'nab ti Asafe, ti Hemane, xchi'uc ti Jedutune, ti buch'utic ta scaj'albe smelol ti c'usitic ta x'ac'bat sna'ic yu'un Dios c'alal ta xich' tijel ti arpaetique, ti jtos o ta vobe, xchi'uc ti set-set taq'uinetique. Li' tsacal sbiic ti buch'utic tiq'uilic ta abtel taje.

²Ta sventa xnich'nab ti Asafe, xi s'elan oye: ti Jacure, ti Josee, ti Netaniase, xchi'uc ti Asarelae. Ti jtojobtasvanej yu'unique, ja' ti Asaf ti buch'u ta scaj'al ti oy c'usi ta x'ac'bat sna' yu'un Dios ti yich'oj yabtel yu'un ti ajvalile.

³Ti vaquib xnich'nab Jedutune, xi s'elane: ti Gedaliase, ti Zerie, ti Jesaiase, ti Simeie, ti Hasabiase, xchi'uc ti Matatiase. Tojobtasbilic yu'un ti Jedutune ti sna' yalbel smelol c'usi ta x'ac'bat sna' yu'un Dios c'alal ta xich' tijel ti arpae, ta yalbel colyal, xchi'uc ta sq'uejintael ti Diose.

⁴Ta xnich'nab ti Hemane, xi s'elan oye: ti Buquiase, ti Mataniase, ti Uziele, ti Sebuele, ti Jeremote, ti Hananiase, ti Hananie, ti Eliatae, ti Guidaltie, ti Romanti-ezere, ti Josbecasae, ti Malotie, ti Hotire, xchi'uc ti Mahaziote.

⁵Scotolic taje, ja' xnich'nab ti Hemane, ti ochemic ta yajtunel ajvalil ti jamal sba sat ta yalel ti c'usi yaloj comel ti Dios ta sventa ti stratee, ti albat ono'ox sc'oplal ti cajal ta xc'ote. Jech ono'ox c'ot ta pasel ti ac'bat chanlajuneb (14) squerem xchi'uc oxib (3) stseb yu'un ti Diose.

⁶Scotolic taje, tojobtasbilic yu'un stotic c'alal ta xtunic ta q'uejimol ta sventa ti c'u s'elan liquem yu'unic ta ch'ulna c'alal ta stijic ti set-set taq'uinetique, xchi'uc ti jchop o ta vobetique. Ti Asafe, ti Jedutune, xchi'uc ti Hemane, pasbilic ta mantal yu'un ti ajvalile.

⁷Ti c'u yepal ta scotolic ti xchiquintaj yu'unic smelol ti c'u s'elan ta tijel ti vobetique, ochem ta venta xtoc xchi'ilic ta abtel ti chanubtasbilic ta sq'uejintael ti Diose, loc' ta chapel vaxaquib yo'lajunvinic (288) ta vo' ta scotolic.

⁸Va'i un, laj yich'ic ch'acbel ti stunelic bu ta xc'ot yorail yu'unic ta scotolique. Mu'yuc ta alel mi muc'tic, mi biq'uitic, mi jchanbotajel, mi jchanubtasvanejetic xa.

⁹Ti laj yich' q'uelel ti yorail ti c'ot ta stojol ti jujunique, xi s'elan lic ta sliqueb ti c'ot ta chanib xcha'vinic (24) ta vo': ti Josee ti Guedaliase ti Zacure ti Isrie ti Netaniase ti Buquiase ti Jesarelae ti Isaiase ti Mataniase ti Simie ti Azarele ti Hasabiase ti Subaele ti Matatiase ti Jeremote ti Hananiase ti Josbecasae ti Hananie ti Malotie ti Eliatae ti Hotire ti Guidaltie ti Mahaziote ti Romanti-ezere Ta jujunic xchi'uc ti xnich'nabique, xchi'uc ti xchi'ilic ta voq'uele, ja' lajcha'vo' (12) c'otic ta scotolic ta jujuchop.