Read Tzotzil 1 Crónicas 27 Bible Online

1 Crónicas 27 - Tzotzil bible

1 Crónicas 27

¹Li'e, ja' sbiic ti banquilaletic yu'un ti jujuchop israeletique, ti banquilaletic ti sbainojic jmil (1,000) ta vo' soldadoetique, ti banquilaletic ti sbainojic vo'vinic (100) ta vo' soldadoetique, xchi'uc ti j'opisialetic ta xtunic ta stojol ti ajvalile. Ti jujuvoc' soldadoe ta sjelilan sbaic ta sbainel ti abtel ta jujun u ta sjunlej jabile. Ti jujuvoc' soldadoe, loc' ta chapel chanib xcha'vinic mil (24,000) ta vo' viniquetic.

²Ti banquilal yu'un ti jvoc' jchabivanej soldado yu'un ti sliqueb ue, ja' ti Jasobeam xnich'on ti Zabdiele, snitilul xtoc ti Farese. Ti Jasobeame c'otem ta banquilal yu'unic scotol ti banquilaletic yu'un jujuvoc' soldado ta xtunic ta chabivanej ti sliqueb ue.

⁴Ti banquilal yu'un ti jvoc' jchabivanej soldado yu'un ti xchibal (2) ue, ja' ti Dodai ti ja' ahohitae.

⁵Ti banquilal yu'un ti jvoc' jchabivanej soldado yu'un ti yoxibal (3) ue, ja' ti Benaía xnich'on ti banquilal pale Joiadae.

⁶Taje, jun ti x'ech' to xu' yu'un ta scotol ti lajuneb xcha'vinic (30) ta vo' tsatsal viniquetique, ti c'otem ta banquilal yu'unique. Ts'acal to un, ti xnich'on Amizabad sbie sbainoj ta spasel mantal ti jvoc' taje.

⁷Ti banquilal yu'un ti jvoc' jchabivanej soldado yu'un ti xchanibal (4) ue, ja' ti Asaele, xchi'il ta voq'uel ti Joabe. Lic stsacbe yabtel xnich'on ti Zebadías sbie.

⁸Ti banquilal yu'un ti jvoc' jchabivanej soldado yu'un ti yo'obal (5) ue, ja' ti Samhute ti ja' izraitae.

⁹Ti banquilal yu'un ti jvoc' jchabivanej soldado yu'un ti svaquibal (6) ue, ja' ti Ira xnich'on ti Iqués ti liquel talel ta jteclum Tecoae.

¹⁰Ti banquilal yu'un ti jvoc' jchabivanej soldado yu'un ti yucubal (7) ue, ja' ti paltita vinic ti sbiinoj Helese, snitilul ti Efraine.

¹¹Ti banquilal yu'un ti jvoc' jchabivanej soldado yu'un ti xvaxaquibal (8) ue, ja' ti liquel talel ta Husa ti sbiinoj Sibecaie, snitilul ti Zerae.

¹²Ti banquilal yu'un ti jvoc' jchabivanej soldado yu'un ti sbalunebal (9) ue, ja' ti liquel talel ta Anatot ti sbiinoj Ebiezere, snitilul ti Benjamine.

¹³Ti banquilal yu'un ti jvoc' jchabivanej soldado yu'un ti slajunebal (10) ue, ja' ti Maharai ti liquel talel ta Netofae, snitilul ti Zerae.

¹⁴Ti banquilal yu'un jvoc' jchabivanej soldado yu'un ti sbuluchibal (11) ue, ja' ti Benaías ti liquel talel ta Piratone, snitilul ti Efraine.

¹⁵Ti banquilal yu'un ti jvoc' jchabivanej soldado yu'un ti xlajchebal (12) ue, ja' ti Heldai ti liquel talel ta Netofae, snitilul ti Otoniele.

¹⁶Ti banquilal jtsobvanejetic yu'unic ti jujuvoc' snitilultac ti Israele, xi s'elan xcholet sbiic jech c'u cha'al li'e: Ta sventa snitilul ti Rubene, ja' ti Eliezer xnich'on ti Zicrie. Ta sventa snitilul ti Simeone, ja' ti Sefatías xnich'on ti Maacae.

¹⁷Ta sventa snitilul ti Levie, ja' ti Hasabías xnich'on ti Kemuele. Ta sventa snitilultac ti Aarone, ja' ti Sadoque.

¹⁸Ta sventa snitilul ti Judae, ja' ti Elihue, jun xchi'il ta voq'uel ti Davide. Ta sventa snitilul ti Isacare, ja' ti Omri xnich'on ti Micaele.

¹⁹Ta sventa snitilul ti Zabulone, ja' ti Ismaías xnich'on ti Abdiase. Ta sventa snitilul ti Neftalie, ja' ti Jerimot xnich'on ti Azriele.

²⁰Ta sventa snitilul ti Efraine, ja' ti Oseas xnich'on ti Azaziase. Ta sventa o'lol jvoc' snitilul ti Manasese, ja' ti Joel xnich'on ti Pedaiase.

²¹Ta sventa o'lol jvoc' nitilulil ti oyic ta Galaade, ja' ti Iddo xnich'on ti Zacariase. Ta sventa snitilul ti Benjamine, ja' ti Jaasiel xnich'on ti Abnere.

²²Ta sventa snitilul ti Dane, ja' ti Azarel xnich'on ti Jerohame. Ti va'i yepal taje, naca banquilal jtsobvanejetic yu'un jujuvoc' snitilul ti Israele.

²³Ti David une mu'yuc laj stsacbe sbi ti buch'utic mu to ta sta jtob jabil yich'ojique, yu'un yaloj ono'ox ti Diose ti ta sboles ta j'ech'el ti israeletic jech c'u cha'al ti c'analetic ti oy ta vinajele.

²⁴Laj ox sliques stsaquel biil ti Joabe. Ja'uc le' une, mu'yuc tsuts yu'un. Vul ta loq'uel chopol ta stojol ti israeletic ta scoj taje. Jech o xal mu xvinaj c'u yepal sbiic ti oy ta jpoc svunal slo'il ya'yejal yabtel ti ajvalil Davide.

²⁵Ti banquilal jchabiej taq'uin yu'un ti ajvalile, ja' ti Azmavet xnich'on ti Adiele. Ti sbainoj ta sventainel ti jujubej naetic noj ep ta tos sbeel ti oy ta osiltique, ti ta jteclume, ti ta bic'tal jteclume, ti ta sti'iltac xa bu ta x'ech' talel ti ts'aque, ja' ti Jonatán xnich'on ti Uziase.

²⁶Ti jq'uelvanej yu'un j'abteletic ta yabtelanel ti banomile, ja' ti Ezrí xnich'on ti Quelube.

²⁷Ti jq'uelvanej yu'un ti jtsob-uvaetique, ja' ti Simei ti liquel talel ta Ramate. Ti buch'u sbainoj ta yich'el ta venta ti vino ta jujun snailtaque, ja' ti Zabdi ti liquel talel ta Sefame.

²⁸Ti jq'uelvanejetic yu'un ti jtsob sat olivoe, xchi'uc ti jtsob sat te'tical icuxetic ta stenlejaltique, ja' ti Baal-hanán ti liquel talel ta Guedere. Ti buch'u yich'oj ta sventa ti sts'anlebtac aceitee, ja' ti Joase.

²⁹Ti buch'u sbainoj ta sq'uelel vacax yu'un ti Sarone, ja' ti Sitrai ti oy ono'ox ta Sarone. Ti buch'u sbainoj ta sq'uel vacax ta stenleje, ja' ti Safat xnich'on ti Adlaie.

³⁰Ti buch'u sbainoj ta sq'uelel ti camelloetique, ja' ti Obil ti ismaelitae. Ti buch'u sbainoj ta sq'uelel ti burroetique, ja' ti Jehediase, ti liquel talel ta Meronote.

³¹Ti buch'u sbainoj ta sq'uelel ti chijetique, ja' ti agareno ti sbiinoj Jazize. Scotolic taje, sbainojic ta sventainel ti c'usitic oy yu'un ti ajvalil Davide.

³²Ti Jonatán sjuntot ti Davide, jun vinic ti chanubtasbile, ti oy sbijile, c'otem ta jbijubtasvanej. Ti Jehiel xnich'on ti Hacmonie sbainoj ta xchi'inel xnich'nab ti ajvalile.

³³Ja' jech ec ti Ahitofele, ja' jbijubtasvanej yu'un ti ajvalile. Ti arquita ti sbiinoj Husaie, ja' jun vinic ti stuc'ulanojbe lec c'usi oy yu'un ti ajvalile.

³⁴Ti Joiada xnich'on ti Benaiae, xchi'uc ti Abiatare, laj xcuchbe comel yabtel ti Ahitofele. Ti Joabe oy ta banquilal jpas-mantal yu'un yajsoldado ti ajvalile.