Read Tzotzil 1 Crónicas 3 Bible Online

1 Crónicas 3 - Tzotzil bible

1 Crónicas 3

¹Xnich'nabtac ti David laj voq'uicuc ta Hebrone, xi s'elane: Amnón sbi ti banquilale, squerem ol ti Ahinoam ti liquel talel ta Jezreele. Daniel sbi ti xchibale, squerem ol ti Abigail ti liquel talel ta Carmele.

²Absalón sbi ti yoxibale, squerem ol ti Maaca yantsil nich'on ti Talmai ajvalil yu'un ti Gesure. Adonías sbi ti xchanibale, squerem ol ti Haguite.

³Sefatías sbi ti yo'obale, squerem ol ti Abitale. Itream sbi ti svaquibale, squerem ol ti Eglae, yan yajnil xtoc ti Davide.

⁴Ti vaquib xnich'nab David taje, laj voq'uicuc ta jteclum Hebrón ti bu ech' ta ajvalilal vucub jabil xchi'uc vaquib ue. Ts'acal to un, oxlajuneb xcha'vinic (33) jabil ech' ta ajvalilal ta Jerusalén

⁵ti bu to xi s'elan laj yil chanib squereme: ti Simeae, ti Sobabe, ti Natane, xchi'uc ti Salomone. Scotol taje, ja' xa yalab ti Betsabe yantsil nich'on ti Amiele.

⁶Ma'uc no'ox taje, xi to s'elan laj yil baluneb squeremtaque: ti Ibhare, ti Elisamae, ti Elifelete, ti Nógahe, ti Nefege, ti Jafiae, ti Elisamae, ti Eliadae, xchi'uc ti Elifelete.

⁹Scotol taje, ja' xnich'nab ti Davide. Mu'yuc xa tsacbil ta venta un ti c'u yepal xnich'nab ta yan sts'acal ajniltaque. Yixlelic xtoc ma' ti Tamare.

¹⁰Ti snitilultac ti Salomón ti laj ech'icuque, ja' ti Roboame, ti Abiase, ti Asae, ti Josafate, ti Jorame, ti Ocoziase, ti Joase, ti Amasiase, ti Azariase, ti Jotame, ti Acaze, ti Ezequiase, ti Manasese, ti Amone, ti Josiase.

¹⁵Xnich'nab ti Josiase xi s'elan ti ayan talele: Johanán sbi ti banquilale; Joaquim sbi ti xchibale; Sedequías sbi ti yoxibale; Salum sbi ti xchanibale.

¹⁶Xnich'nab ti Joacim ti ayan talele, ja' ti Jeconiase, xchi'uc ti Sedequiase.

¹⁷Snitilultac ti Jeconías ti nutse loq'uel ta slumalique, ja' ti Salatiel sbanquilal nich'one,

¹⁸ti Malquirame, ti Pedaiase, ti Senazare, ti Jecamiase, ti Hosamae, xchi'uc ti Nedabiase.

¹⁹Xnich'nab ti Pedaías ti laj ayanuc talele, ja' ti Zorobabele, xchi'uc ti Simeie. Xnich'nab ti Zorobabel ti laj ayanuc talele, ja' ti Mesulame, ti Hananiase, xchi'uc ti yixlelic ti Selomit sbie.

²⁰Oy no'ox yan vo'ob xnich'nab ti laj ayanuc talel ti xi s'elan ti sbiique: ti Hasubae, ti Óhele, ti Berequiase, ti Hasadiase, xchi'uc ti Jusab-hesede.

²¹Xnich'nab ti Hananías ti laj ayanuc talele, ja' ti Pelatiase, xchi'uc ti Jesaiase. Snitilultac ti Jesaías ti laj ayanuc talele, ja' ti Refaiase, ti Arnane, ti Abdiase, ti Secaniase.

²²Xnich'nab ti Secanías ti laj ayanuc talele, ja' ti Semaiase, ti Hatuse, ti Igale, ti Baríahe, ti Neariase, xchi'uc ti Safate: Vaquib ta scotolic.

²³Xnich'nab ti Neariase, oy oxibic ti xi s'elan ti sbiique: ti Elioenaie, ti Ezequiase, xchi'uc ti Azricame.

²⁴Xnich'nab ti Elioenaie, oy vucubic ti xi s'elan ti sbiique: ti Hodaviase, ti Eliasibe, ti Pelaiase, ti Acube, ti Johanane, ti Delaiase, xchi'uc ti Ananie.