Read Tzotzil 1 Crónicas 6 Bible Online

1 Crónicas 6 - Tzotzil bible

1 Crónicas 6

¹Xnich'nab ti Levie, ja' ti Gersone, ti Coate, xchi'uc ti Merarie.

²Xnich'nab ti Coate, ja' ti Amrame, ti Izhare, ti Hebrone, xchi'uc ti Uziele.

³Xnich'nab ti Amrame, ja' ti Aarone, ti Moisese, xchi'uc ti Mariae. Xnich'nab ti Aarone, ja' ti Nadabe, ti Abiue, ti Eleazare, xchi'uc ti Itamare.

⁴Nich'naj ti Eleazare, Finees laj yac'be sbi. Nich'naj ti Fineese, Abisúa laj yac'be sbi.

⁵Nich'naj ti Abisuae, Buqui laj yac'be sbi. Nich'naj ti Buquie, Uzi laj yac'be sbi.

⁶Nich'naj ti Uzie, Zeraías laj yac'be sbi. Nich'naj ti Zeraiase, Meraiot laj yac'be sbi.

⁷Nich'naj ti Meraiote, Amarías laj yac'be sbi. Nich'naj ti Amariase, Ahitob laj yac'be sbi.

⁸Nich'naj ti Ahitobe, Sadoc laj yac'be sbi. Nich'naj ti Sadoque, Ahimaas laj yac'be sbi.

⁹Nich'naj ti Ahimaase, Azarías laj yac'be sbi. Nich'naj ti Azariase, Johanán laj yac'be sbi.

¹⁰Nich'naj ti Johanane, Azarías laj yac'be sbi, ti och ta paleal yu'un ch'ulna ti laj smeltsan ti Salomón ta Jerusalene.

¹¹Nich'naj ti Azariase, Amarías laj yac'be sbi. Nich'naj ti Amariase, Ahitob laj yac'be sbi.

¹²Nich'naj ti Ahitobe, Sadoc laj yac'be sbi. Nich'naj ti Sadoque, Salum laj yac'be sbi.

¹³Nich'naj ti Salume, Hilcías laj yac'be sbi. Nich'naj ti Hilciase, Azarías laj yac'be sbi.

¹⁴Nich'naj ti Azariase, Seraías laj yac'be sbi. Nich'naj ti Seraiase, Josadac laj yac'be sbi.

¹⁵Ti Josadaque, bec'bil loc' ta yosilal c'alal laj yac' ye Dios ti bec'bil loq'uic yu'un Nabucodonosor ti oyic ta Judae, xchi'uc ta Jerusalene.

¹⁶Xnich'nab ti Levie, ja' ti Gersone, ti Coate, xchi'uc ti Merarie.

¹⁷Xnich'nab ti Gersone, ja' ti Libnie, xchi'uc ti Simeie.

¹⁸Xnich'nab ti Coate, ja' ti Amrame, ti Izhare, ti Hebrone, xchi'uc ti Uziele.

¹⁹Xnich'nab ti Merarie, ja' ti Mahlie, xchi'uc ti Musie. Taje, ja' xnich'nabtac ti Levie.

²⁰Snitilultac ti Gersón ti xcholet laj ech'uque, ja' ti Libnie, ti Jahate, ti Zimae, ti Joae, ti Idoe, ti Zarahe, xchi'uc ti Jeatraie.

²¹

²²Snitilultac ti Coat ti laj ech'uque, ja' ti Aminadabe, ti Coree, ti Asire, ti Elcanae, ti Ebiasafe, ti Asire, ti Tahate, ti Uriele, ti Uziase, ti Saule.

²³

²⁴

²⁵Xnich'nab ti Elcanae, ja' ti Amasaie xchi'uc ti Ahimote. Snitilultac ti Ahimot ti laj ech'uque, ja' ti Elcanae, ti Zofaie, ti Nahate, ti Eliabe, ti Jerohame, xchi'uc ti Elcanae.

²⁶

²⁷

²⁸Xnich'nab ti Samuele, Vasní laj yac'be sbi ti banquilale. Abías laj yac'be sbi ti its'inale.

²⁹Snitilultac ti Merari ti laj ech'uque, ja' ti Mahlie, ti Libnie, ti Simeie, ti Uzae, ti Simeae, ti Haguiae, xchi'uc ti Asaiase.

³⁰

³¹Ja'ic li' ti jq'uejimoletic va'anatic yu'un ti David ta sbainel ta stijel musica ta xch'ulna Dios ti c'usi ora lic xchotanic ti caxa teye.

³²Ti stuquique ta xq'uejinic ta ochebal sti' Axibalna ti bu nupel ta be yu'un ti Diose. Jech laj spasic o ja' to ti c'uxi lic smeltsanel xch'ulna Dios yu'un ti Salomón ta Jerusalene, ti comic o ta jtunel jech c'u cha'al liquem ono'ox yu'unique.

³³Xi s'elan sbiic ma' ti ta xtunic xchi'uc ti xnich'nabique: Ja'ic snitilultac ti Coate, ti jq'uejimol Heman xnich'on ti Joele, xnich'on ti Samuele,

³⁴xnich'on ti Elcanae, xnich'on ti Jerohame, xnich'on ti Eliele, xnich'on ti Toae,

³⁵xnich'on ti Zufe, xnich'on ti Elcanae, xnich'on ti Mahate, xnich'on ti Amasaie,

³⁶xnich'on ti Elcanae, xnich'on ti Joele, xnich'on ti Azariase, xnich'on ti Sofoniase,

³⁷xnich'on ti Tahate, xnich'on ti Asire, xnich'on ti Ebiasafe, xnich'on ti Coree,

³⁸xnich'on ti Izhare, xnich'on ti Coate, xnich'on ti Levie, xnich'on ti Israele.

³⁹Ta xocon sbats'i c'ob ti Hemane, ta sva'an sba ti yuts' yalal Asafe, xnich'on ti Berequiase, xnich'on ti Simeae,

⁴⁰xnich'on ti Micaele, xnich'on ti Baasiase, xnich'on ti Malquiase,

⁴¹xnich'on ti Etnie, xnich'on ti Zerae, xnich'on ti Adaiase,

⁴²xnich'on ti Etane, xnich'on ti Zimae, xnich'on ti Simeie,

⁴³xnich'on ti Jahate, xnich'on ti Gersone, xnich'on ti Levie.

⁴⁴Ja'uc ti xi ta xocon sts'et sc'ob ti Hemane, ta sva'an sba ti yuts' yalal snitilultac ti Merarie: ti Etane, xnich'on ti Quisie, xnich'on ti Abdie, xnich'on ti Maluque,

⁴⁵xnich'on ti Hasabiase, xnich'on ti Amasiase, xnich'on ti Hilciase,

⁴⁶xnich'on ti Amsie, xnich'on ti Banie, xnich'on ti Semere,

⁴⁷xnich'on ti Mahlie, xnich'on ti Musie, xnich'on ti Merarie, xnich'on ti Levie.

⁴⁸Ti yan yuts' yalaltac snitilul ti Levie, com ta sbaic ta sq'uelel scotol ti c'usi sc'an pasel ta xch'ulna ti Diose.

⁴⁹Ti Aarón xchi'uc ti snitilultaque sbainojic ta xchiq'uel ti matanal ta altar ti ta xich' aq'uele, ti altar yu'un ti xchic'obil pome. Sbainojic xtoc ti c'usi sc'an pasel ta Bats'i Cuxul Ch'ul Cuartoe, xchi'uc ta stabel talel ti ch'aybil xc'ot smul ti israeletique, ti co'ol ta spas scotol jech c'u cha'al laj yal ti Moisés yajtunel Diose.

⁵⁰Ti snitilultac ti Aarón laj ech'uque, ja' ti Eleazare, ti Fineese, ti Abisuae, ti Buquie, ti Uzie, ti Zeraiase, ti Meraiote, ti Amariase, ti Ahitobe, ti Sadoque, ti Ahimaase.

⁵¹

⁵²

⁵³

⁵⁴Li'e, ja' ti bu c'ot ta yavil snaic ti ta xnaquiic ti jujuchope, xchi'uc sts'aquil yosilic ti laj smaquic snitilultac ti Aarone, ti bu lic jujuchop snitilul ti coatitaetique, ti laj yich' q'uelel ta yoraile.

⁵⁵Ac'bat yich'ic Hebrón ti oy ta yosilal Judae, xchi'uc ti jamal yaxaltic ve'eb chij yu'une.

⁵⁶Ti Caleb xnich'on ti Jefonee, ac'batic yich' yosilal ti muc' ta lume, xchi'uc ti bic'tal jteclum yu'une.

⁵⁷Snitilultac ti Aarone, ac'batic Hebrón ti pojobbail jteclume, xchi'uc xtoc laj yich'ic ti bic'tal lumetic Libnae, ti Jatire, ti Estemoae, ti Hilene, ti Debire, ti Asane, xchi'uc ti Bet-semese, naca sve'eb chon bolom scotol ma' ti osil taj une.

⁵⁸

⁵⁹

⁶⁰Ac'bat yich'ic xtoc ti jteclumetic yu'un snitilultac ti Benjamine, ja' ti Gebae, ti Alemete, xchi'uc ti Anatote, naca sve'eb chon bolom scotol ma' ti osil taj une. Ti c'ot ta sventaic jteclumetic ti jujuchop snitilultac ti Aarone, oxlajunchop (13) ta lum.

⁶¹Ti yan jujuchop snitilultac ti Coate, laj yac'beic yich' lajuneb jteclumetic ti naca ta yorail laj yich' q'uelel ti oy ta yosilal ti o'lol jvoc' snitilultac ti Manasese.

⁶²Snitilultac ti Gersone, laj yac'beic yich' oxlajunchop (13) jteclum ti lec xloq'uic o ti c'u yepal oyic ta jujuchope, ti oy ta yosilalic ti snitilultac ti Isacare, ti Asere, ti Neftalie, xchi'uc ti snitilultac ti Manasés ti nacalic ta Basane.

⁶³Ti jujuchop snitilultac ti Merarie, laj yac'beic yich' lajcha'chop (12) jteclum ti lec xloq'uic o ti c'u yepal oyic ta jujuchope, ti naca ta yorail laj yich' q'uelele, ti oy ta yosilalic ti snitilultac ti Rubene, ti Gade, xchi'uc ti Zabulone.

⁶⁴Ti Israeletic ti laj yaq'uic ti jteclumetic xchi'uc ti jamal yaxaltic yu'une, c'ot ta yavil sve'eb xchon sbolomic snitilultac ti Levie.

⁶⁵Snitilultac ti Judae, ti Simeone, xchi'uc ti Benjamine, ja' laj yich'ic ti jteclumetic ti laj xa ono'ox yich' alel talel sc'oplal ti ta yorail laj yich' q'uelele.

⁶⁶Oy jlom snitilultac ti coatitaetique, ti c'ot yorail yu'unic ti laj yich'ic jteclumetic ti oy ta yosilal ti snitilultac ti Efraine.

⁶⁷Ac'batic xtoc ti Siqueme, jun pojobbail jteclum ti oy ta vitstic yu'un ti Efraine, xchi'uc scotol ti jamal yaxaltic sve'eb chij yu'une, xchi'uc ti Gezere, ti Jocmeame, ti Bet-horone, ti Ajalone, xchi'uc ti Gat-rimone, ti naca jamal yaxaltic sve'eb chon bolometique.

⁶⁸

⁶⁹

⁷⁰Ti c'u to yepal oy jujuchop snitilultac ti coatitaetique, laj yac'beic yich' ti jteclumetic xchi'uc ti jamal yaxaltic sve'eb chij yu'unique, ti oy ta yosilal ti Anere, ti Bileame, ti ja' yu'unic to ox ti o'lol jvoc' snitilultac ti Manasese.

⁷¹Snitilultac ti Gersón ti c'u yepal xloq'uic o ti jujuchop snitilulique, laj yac'beic yich' ti jteclum Golán ti oy ta Basane, xchi'uc ti jteclum Astarote, ti ja' yu'unic to ox ti o'lol jvoc' snitilultac ti Manasese, xchi'uc ti jamal yaxaltic sve'eb chij yu'unique.

⁷²Laj yac'beic yich' xtoc ti ja' yu'unic to ox snitilultac ti Isacare, ja' ti Cedese, ti Daberate, ti Ramote, ti Aneme, xchi'uc scotol ti jamal yaxaltic sve'eb chij yu'unique.

⁷³

⁷⁴Ti oy ta yosilal snitilultac ti Asere, laj yac'beic yich' xtoc ti Masale, ti Abdone, ti Hucoque, ti Rehobe, xchi'uc scotolic ti jamal yaxaltic sve'eb xchij yu'unique.

⁷⁵

⁷⁶Ti oy ta yosilal snitilultac ti Neftalie, laj yac'beic yich' xtoc ti Cedes ti oy ta Galileae, ti Hamone, ti Quiriataime, xchi'uc scotolic ti jamal yaxaltic sve'eb chij yu'unique.

⁷⁷Xi s'elan ac'bat yich'ic ec ti yan snitilultac Merarie: ti Rimone, ti Tabore, xchi'uc ti jamal yaxaltic sventa sve'eb chij yu'unique, ti ja' to ox yu'unic snitilultac ti Zabulone.

⁷⁸Ac'bat yich'ic xtoc ti ja' yu'unic to ox snitilultac ti Rubén ti oy ta stuq'uil sloq'ueb c'ac'al yu'un uc'um Jordán ta yeloval Jericoe, ta Beser ti oy ta sbajtical banomile, ja' ti Jahase, ti Cademote, ti Mefáate, xchi'uc scotolic ti jamal yaxaltic sve'eb chij yu'unique.

⁷⁹

⁸⁰Ac'bat yich'ic xtoc ti ja' yu'unic to ox snitilultac ti Gade, ja' ti Ramot ti oy ta Galaade, ti Mahanaime, ti Hesbone, ti Jazere, xchi'uc scotolic ti jamal yaxaltic sve'eb chij yu'unique.