Read Tzotzil 2 Crónicas 27 Bible Online

2 Crónicas 27 - Tzotzil bible

2 Crónicas 27

¹Yich'oj vo'ob xcha'vinic (25) jabil c'alal lic ochuc ta ajvalilal ti Jotame. Vaclajuneb (16) jabil ech' ta ajvalilal ta Jerusalén un. Jerusa sbi ti sme'e, yantsil nich'on ti Sadoque.

²Ti c'usitic lic spas ti Jotame, lec laj yil ta sba ta sat ti Diose, jech laj spas jech c'u cha'al laj spas ti stot ti Uzías sbie. Manchuc mi jech un, mu'yuc x'och ech'el ta xch'ulna ti Diose. Ti jteclum une yac'beic yipal ta spasel ti c'usi xa xtal ta sjolic ti chopole.

³Ti Jotam taje, ja' ti buch'u laj yac' ta meltsanel ti muc' ta ochebal ti'na yu'un xch'ulna ti Diose, xchi'uc yepal ti oy c'usitic yan abtel laj spas ta smocal jteclum Ofel sbie.

⁴Laj sliquesan ta sva'anel xtoc jteclumetic ta svitsal yosil ti Judae. Ti ta te'tique, laj smeltsan nac'obbailetic, luchlebaletic.

⁵Laj stsac sbaic ta leto xchi'uc ti ajvalil yu'un amonitaetique, ti tsalbil c'ot yu'une. Ta jabil taj une, ti amonitaetique lic yaq'uic ta sventa patan oxmil xchi'uc vo'lajunvinic (3,300) ta kilo plata, chib millon xchi'uc lajunvinic (2,200.000) ta litro ti trigoe. Ja' jech yepal ta xaq'uic xtoc ti jchop o ta trigoe. Ja' jech yepal ta xaq'uic ta jujun ti ta sliquebe, ti ta xchibale, ti ta yoxibal jabile.

⁶Cuchem yu'un ta j'ech'el ti Jotame, yu'un ti c'u s'elan laj spase, lec laj yil ta sba ta sat ti Diose.

⁷Ti slo'il ya'yejal ti Jotame, xchi'uc scotol ti c'u s'elan laj spas letovajel xchi'uc ti yajsoldadotaque, ti c'usitic laj spase, ts'ibabil com ta jpoc svunal slo'il ya'yejal ajvaliletic yu'un ti Israele, xchi'uc ti Judae.

⁸Ti Jotame yich'oj vo'ob xcha'vinic (25) jabil c'alal lic ochuc ta ajvalilale. Vaclajuneb (16) jabil un ech' ta ajvalilal ta Jerusalén.

⁹Ti c'alal chame, bat smuquic bu mucul ti smolmuc'totac ta Steclumal ti Davide. Ts'acal to un, lic ich'batuc yabtel ta ajvalilal yu'un ti xnich'on Acaz sbie.