Read Tzotzil Nehemías 11 Bible Online

Nehemías 11 - Tzotzil bible

Nehemías 11

¹Ti j'abteletic yu'un ti muc' ta lume naquiic ta Jerusalén. Ti c'u yepal ti jteclume, laj yich' q'uelel ta yorail yo' jech ta lajlajunvo' ta jujuchop ta xbat nacliicuc ta Jerusalén ti ch'ul jteclume. Ti yan balunchope ta xbat nacliicuc ta yan jteclumetic.

²Ta jech yepal un, yich'ic lequil-c'optael ti jteclum ti buch'utic laj yac' yeic ta yutsil yo'nton ta xbat naquiicuc ta Jerusalene.

³Taje, ja' me ti banquilaletic ti liquemic ta uni jteclumetic naquiic ta Jerusalene, ti ta yosilal ti Judae naquiic ta yosil slumal stuquic ti israeletique, ti paleetique, ti levitaetique, ti jtuneletic yu'un ti ch'ulnae, xchi'uc snitilulic ti yajtuneltac ti Salomone.

⁴Ti bat nacliicuc ta Jerusalén ti oy ta Judae, batic jlom snitilultac ti Judae, xchi'uc jlom yu'un ti Benjamín ti xi s'elan ti sbiique: Ti Ataiase, xnich'on ti Uziase. Ti Uziase, xnich'on ti Zacariase. Ti Zacariase, xnich'on ti Amariase. Ti Amariase, xnich'on ti Sefatiase. Ti Sefatiase, xnich'on ti Mahalaleele, ti ja' snitilul ti Farese.

⁵Ti Maaseiase, xnich'on ti Baruque. Ti Baruque, xnich'on ti Colhozee. Ti Colhozee, xnich'on ti Hazaiase. Ti Hazaiase, xnich'on ti Adiase. Ti Adiase, xnich'on ti Joiaribe. Ti Joiaribe, xnich'on ti Zacariase. Ti Zacariase, xnich'on ti Silonie.

⁶Ta scotol snitilultac ti Fares ti com nacliicuc ta Jerusalene, loc' ta chapel chanib ciento xchi'uc vaxaquib xchanvinic (468) ta vo', ti scotolic lec xa'iic ti j'ac'-letoe.

⁷Xi s'elan oy ta sventa snitilultac ti Benjamine: Ti Salue, xnich'on ti Mesulame. Ti Mesulame, xnich'on ti Joede. Ti Joede, xnich'on ti Pedaiase. Ti Pedaiase, xnich'on ti Colaiase. Ti Colaiase, xnich'on Maaseiase. Ti Maaseiase, xnich'on ti Itiele. Ti Itiele, xnich'on ti Jesaiase.

⁸Xchi'iltac ta voq'uel ti Salue, ti Gabaie, xchi'uc ti Salaie. Xi loc' ta chapel ta scotole: oy baluneb ciento xchi'uc vaxaquib xcha'vinic (928) ta vo'.

⁹Ti banquilal jtsobvanej yu'unique, ti Joel xnich'on ti Zicrie. Ti Judá xnich'on ti Senuae, c'otem ta xchibal banquilal yu'un ti jteclume.

¹⁰Xi s'elan oy ta sventa ti paleetique: Ti Jedaías xnich'on ti Joiaribe. Ti Jaquine;

¹¹Ti Seraiase, xnich'on ti Hilquiase. Ti Hilciase, xnich'on ti Mesulame. Ti Masulame, xnich'on ti Sadoque. Ti Sadoque, xnich'on ti Meraiote. Ti Meraiote, xnich'on ti Ahitobe, banquilal jpas-mantal ta xch'ulna ti Diose.

¹²Ti xchi'iltac ta abtel ta xtunic ta ch'ulnae, loc' ta chapel ta scotolic vaxaquib ciento xchi'uc chib xcha'vinic (822) ta vo'. Ti Adaiase, xnich'on ti Jerohame. Ti Jerohame, xnich'on ti Pelaliase. Ti Pelaliase, xnich'on ti Amsie. Ti Amsie, xnich'on ti Zacariase. Ti Zacariase, xnich'on ti Pasure. Ti Pasure, xnich'on ti Malquiase. Ti c'otemic ta banquilaletic yuts' yalalic ti jujuvoq'ue, loc' ta chapel chib yoxlajunvinic (242) ta vo'. Ti Amasaie, xnich'on ti Azarele. Ti Azarele, xnich'on ti Ahzaie. Ti Ahzaie, xnich'on ti Mesilemote. Ti Mesilemote, xnich'on ti Imere, xchi'uc ti svinquileltac ti naca j'ac'-leto viniquetique, loc' ta chapel ta scotolic vaxaquib yucvinic (128) ta vo', ti c'otem ta banquilal yu'unic ti Zabdiel xnich'on ti Guedolime.

¹⁵Xi oy ta sventa ti levitaetique: Ti Semaiase, xnich'on ti Hasube. Ti Hasube, xnich'on ti Azricame. Ti Azricame, xnich'on ti Hasabiase. Ti Hasabiase, xnich'on ti Bunie.

¹⁶Ti Sabetaie, xchi'uc ti Jozabade, sbainojic ta sq'uelel ti abteletic ti xlic xcaj c'usi sc'an pasel ti ma'uc ta xch'ulna ti Diose.

¹⁷Ti Mataniase, xnich'on ti Micaíae. Ti Micaíae, xnich'on ti Zabdie. Ti Zabdie, xnich'on ti Asafe. C'otem ta banquilal jnitvanej ta q'uejoj ti Asaf ta sventa jq'uejimoletic c'alal ta xalic colaval c'alal ta xc'opoj xti'inique. Ti Bacbuquiase, xchibal banquilal yu'unic ti jvoq'ue. Ti Abdae, xnich'on ti Samúae. Ti Samúae, xnich'on ti Galale. Ti Galale, xnich'on ti Jedutune.

¹⁸Ti ta scotol ti levitaetic ti comic ta naclej ta ch'ul jteclume, ja' oy chanib yo'lajunvinic (284) ta vo'.

¹⁹Xi s'elan oy ma' ti jchabiej ti'naetique: Ti Acube, ti Talmone, xchi'uc ti yuts' yalaltaque, loc' ta chapel lajcheb sbalunvinic (172) ta vo' sbainojic ta sq'uelel ti ti'naetique.

²⁰Ta scotol c'u yepal oy ti israeletique, ti jlom paleetic yu'unique, xchi'uc ti levitaetique, bat nacliicuc ta yan bic'tal jteclumetic ti ta Judae. Ta jujun tal com ta yosilic ti bu laj staique.

²¹Ti jtuneletic yu'un ti ch'ulnae, ti c'otem ta banquilal jpas-mantal yu'unic ti Zihae, xchi'uc ti Gispae, bat nacliicuc ta Ofel.

²²Ti banquilaletic yu'un ti levitaetic ta Jerusalene, ti Uzi xnich'on ti Banie. Ti Bani xnich'on ti Hasabiase. Ti Hasabiase, xnich'on ti Mataniase. Ti Mataniase, xnich'on ti Micaiase. Ti Micaiase, snitilul ti Asafe. Ti snitilultac ti Asafe sbainojic nitvanej ta q'uejimol ta xch'ulna ti Diose.

²³Ti ajvalile, yac'oj ye sti' ti sbainojicuc ti q'uejimol ta x'ech' jujun c'ac'ale.

²⁴Ti Petaías xnich'on ti Mesezabele, snitilul ti Zera xnich'on ti Judae, sbainoj ta xchapanel ta stojol ajvalil ti c'usiuc no'ox c'opal ta sc'an chapanele.

²⁵Jlom snitilultac ti Judae, batic ta naclej ta Quiriat-arba, ta Dibon, ta Jecabseel.

²⁶Ta Josué, ta Molada, ta Bet-pelet, ta Hasar-sual, ta Beerseba, ta Siclag, ta Meconá, ta En-rimon, ta Zora, ta Jarmut, ta Zanoa, ta Adulam, ta Laquis, xchi'uc ta Azeca, xchi'uc laj smaquic ta bic'tal lumetic ti jamal osiletic yu'une, lic ech'el yu'unic ta Beerseba, c'ot c'alal to stenlej yu'un Hinom.

³¹Jlom snitilultac ti Benjamine bat nacliicuc ta Geba, ta Micmas, ta Aías, ta Betel, xchi'uc ti bic'tal lumetic yu'une.

³²Jlom bat nacliicuc ta Anatot, ta Nob, ti Ananías, ta Azor, ta Ramá, ta Guitaim, ta Adid, ta Seboim, ta Nebalat, ta Lod, ta Onó, xchi'uc ta stenlejetic ti bu sbiinoj Sna'ic ep ta tos Abtele.

³⁶Ma'uc no'ox taje, ti jlom levitaetique, ac'bat yosilic ti bu smacojic ti Judae, xchi'uc ti Benjamine.