Read Tzotzil Nehemías 12 Bible Online

Nehemías 12 - Tzotzil bible

Nehemías 12

¹Xi s'elan ma' ti paleetique, ti levitaetic ti sutic talel jmoj xchi'uc ti Zorobabel xnich'on ti Salatíele, xchi'uc ti Josuee:

²Xi s'elan sbiic ti paleetique: ti Seraiase, ti Jeremiase, ti Esdrase, ti Amariase, ti Maluque, ti Hatuse, ti Secaniase, ti Ruhume, ti Meremote, ti Idoe, ti Ginetoe, ti Abiase, ti Mijamine, ti Maadiase, ti Bilgae, ti Semaiase, ti Joiaribe, ti Jedaiase, ti Salue, ti Amoque, ti Hilquiase, ti Jedaiase. Taje, naca banquilal paleetic xchi'uc yuts' yalalic ti c'alal cuxul to ox ti Josuee.

⁸Xi s'elan sbiic ti levitaetique: ti Josuee, ti Binuye, ti Cadmiele, ti Serebiase, ti Judae, ti Mataniase. Taje, xchi'uc ti xchi'ilic ta abtele, sbainojic ta sq'uejintael ti q'uejimol ti jun yutsile.

⁹Ti Bacbuquiase, ti Unie, xchi'uc ti xchi'iltac ta abtele, bainbil c'otic yo' jech ta spas ti yabtelique.

¹⁰Ti Josuee nich'naj, Joacim laj yac'be sbi. Ti Joacime nich'naj, Eliasib laj yac'be sbi. Ti Eliasibe nich'naj, Joiadae laj yac'be sbi.

¹¹Ti Joiadae nich'naj, Johanane laj yac'be sbi. Ti Johanane nich'naj, Jadúa laj yac'be sbi.

¹²Xi s'elan oy ma' ti paleetic ti c'otemic ta banquilal yu'un jujuchop ti yuts' yalalic c'alal cuxul to ox ti Joacime: Yu'un ti Seraiase, ti Meraiase. Yu'un ti Jeremiase, ti Hananiase. Yu'un ti Esdrase, ti Mesulame. Yu'un ti Amariase, ti Johanane. Yu'un ti Melicue, ti Jonatane. Yu'un ti Sebaniase, ti Josee. Yu'un ti Harime, ti Adnae. Yu'un ti Maraiote, ti Helcaie. Yu'un ti Idoe, ti Zacariase. Yu'un ti Guinetone, ti Mesulame. Yu'un ti Abiase, ti Zicrie. Yu'un ti Minjamine...[1] Yu'un ti Moadiase, ti Piltaie. Yu'un ti Bilgae, ti Samúae. Yu'un ti Semaiase, ti Jonatane. Yu'un ti Joaribe, ti Matenaie. Yu'un ti Jedaiase, ti Uzie. Yu'un ti Salaie, ti Calaie. Yu'un ti Amoque, ti Ébere. Yu'un ti Hilciase, ti Hasabiase. Yu'un ti Jedaiase, ti Natanaele.

²²C'alal cuxul to ox ti Eliasibe, ti Joiadae, ti Johanane, xchi'uc ti Jadúae, ti levitaetique, ti banquilaletic yu'un ti jujuchope, xchi'uc ti paleetique, bejel lec ta vun sbiic ti c'alal och ta ajvalilal ti Darío ti persia vinique.

²³Ti levitaetic ec une, ti c'otemic ta banquilal yu'un ti jujuchope, laj yich' bejanbel sbiic ta jpoc svunal yu'un ti lo'il a'yeje, ti c'alal och ta ajvalilal ti Johanán smom ti Eliasibe.

²⁴Xi s'elan oy ma' ti banquilaletic yu'un ti levitaetique: ti Hasabiase, ti Serebiase, ti Josuee, ti Binuye, xchi'uc ti Cadmiele, ti sbainojic ec ti xchi'iltac ta abtele, ti q'uejimole xchi'uc ta yalbel colyal Dios ti yorail ta xtunic jech c'u cha'al yaloj comel mantal David ti yajtunel Diose.

²⁵Ti jchabiej ti'naetic sbainojic ta sq'uelel ti ochebale, xi s'elane: ti Mataniase, ti Bacbuquiase, ti Obadiase, ti Mesulame, ti Talmone, xchi'uc ti Acube.

²⁶Taje, yorail cuxulic c'alal ochem ta ajvalil ti Joacime, xnich'on ti Josuee, smom ti Josadaque, c'alal tiq'uil ta ajvalil ti Nehemiase, xchi'uc c'alal tiq'uil ta paleal ti jchanubtasvanej Esdrase.

²⁷C'alal c'ot sc'ac'alil ta xich' aq'uel ta ventainel smocal ti Jerusalene, ti bu xa c'alal nacal scotolic ti levitaetique, loc' sa'elic yo' jech ta x'iq'ueic talel ta Jerusalén, yo' jech xmuyubajic no'ox ta xich' aq'uel ta ventainel xchi'uc spasbel stoyel xi'el ti moque, ti laeticuc no'ox ta q'uejimole, ti chijchunuc no'ox ti set-set taq'uine, ti lometuc no'ox ti arpaetique, ti jchop o ta vobe.

²⁸Ti nacalic ta joyob yosilal Jerusalén ti jq'uejimol levitaetique, talic une, xchi'uc ti nacalic ta bic'tal jteclum ti oy ta Netofae,

²⁹ti jnaclejetic oy ta Gilgale, ta yosilal ti Gebae, xchi'uc ta yosilal ti Azmavete, ti meltsanbil xa snaic ta spat xocon Jerusalén ti jq'uejimol levitaetique.

³⁰Va'i un, laj spoc stus sbaic ti paleetique, xchi'uc ti levitaetique. Ta ts'acal to un, lic spoc stus sbaic ti jteclume, xchi'uc lic spoquic stusic ti ti'naetic yu'un ti jteclume, xchi'uc ti smocale.

³¹Laj taj une, laj calbe ya'i ti j'abteletic yu'un ti Judae, ti muyicuc ech'el ta sba ti moque. Laj jvol ti cha'voc' epal jq'uejimoletique. Ti sliqueb jvoc' jq'uejimoletique, xvoletic ech'el ta ba moc stuq'uil bats'i c'ob ti ta xc'ot ta stuq'uil ti'na ti sbiinoj Ch'ayob C'a'epe.

³²Ta spat ti jq'uejimoletique, tijil batel ti Osaiase, xchi'uc o'lol jvoc' j'abteletic yu'un ti Judae,

³³ti xcaltique, xchi'uc ti Azariase, ti Esdrase, ti Mesulame.

³⁴Nabal ech'el ec ti Judae, ti Benjamine, ti Semaiase, xchi'uc ti Jeremiase.

³⁵Xi s'elan ma' ti xvoletic chi'inbil ech'el ti paleetic yu'un ti j'oq'uisanej oq'uesetique: ti Zacarías xnich'on ti Jonatane, ti c'otem ta smolmuc'totac ti laj ech'uc ta vo'nee, ti Semaiase, ti Mataniase, ti Micaiase, ti Zacure, xchi'uc ti Asafe.

³⁶Tijil ech'el ti snantal uts' alal Semaiase, ti Azarele, ti Milalaie, ti Guilalaie, ti Maaie, ti Natanaele, ti Judae, xchi'uc ti Hananie, ti sbainojic ta stijel ep ta tos vobetic ti yac'oj ta meltsanel David ti yajtunel Diose. Jba'be ech'el yu'unic ti jchanubtasvanej Esdrase.

³⁷Ech' ta stuq'uil ti'na yu'un ti Sat Vo'e, jelavic ech'el ti bu xa toyol ti moque, muyic ech'el ta scojol cojol tec'obal ti sbiinoj Steclumal Davide, c'otic ta yac'ol bu chapanobbail yu'un ti Davide, ti c'otic c'alal to ti'na yu'un ti Vo'e, ti oy ta stuq'uil yeloval sloq'ueb c'ac'ale.

³⁸Ti xcha'voc'al jq'uejimole, xvoletic ech'el ta stuq'uil ts'et c'ob. Nabalun ech'el ec un ta spat ti jq'uejimoletic ti xvoletic ech'el ta ba moc xchi'uc o'lol jvoc' ti jteclume, ti lic batel bu oy ti toyol q'uelob osil ti sbiinoj Hornose, ti c'ot c'alal to ti bu lic jamubuc ech'el ti moque.

³⁹Li'ech'cutic ta ti'na yu'un ti Efraine, ta ti'na yu'un ti Jesanae, ta ti'na yu'un ti yavil Chonobil Choye, ta toyol q'uelob osil yu'un ti Hananele, xchi'uc ta toyol q'uelob osil ti sbiinoj Vo'vinique, c'alal to ta ti'na yu'un ti cotleb Chijetique, ti laj jpajes jbacutic ta ti'na ti bu Chabibil sbie.

⁴⁰Ts'acal to un, ti cha'voc' jq'uejimoletique batic ta yavilic ti oy xch'ulna ti Diose. Libat ec un, xchi'inojan batel ti o'lol jvoc' j'abteletique.

⁴¹Xi s'elan oy ma' ti paleetic j'oq'uisanic oq'uesetique: ti Eliaquime, ti Maaseiase, ti Minjamine, ti Micaiase, ti Elioenaie, ti Zacariase, ti Hananiase.

⁴²Nabal ech'el ti Maaseiase, ti Semaiase, ti Eleazare, ti Uzie, ti Johanane, ti Malquiase, ti Elame, xchi'uc ti Ezere. Ti jq'uejimoletic ti nitbilic yu'un ti Izrahías xyal xmuy xa ta a'yiel ma' ti bic'tal q'uejimol ta sq'uejintaique.

⁴³Ep laj yaq'uic ti milbil matanal ti jech c'ac'al taje. Xmuyubajic ma' ti jteclume, yu'un ac'bat smuyubajel yo'ntonic yu'un ti Diose. Xmuyubajic no'ox ta j'ech'el ti antsetique xchi'uc ti ololetique, ti muyubajel ti ech' ta Jerusalén ta nom to xvinaje.

⁴⁴Ti jech ora ta vo'ne taje, laj sva'anic buch'utic ta sbainic ta sq'uelel yavil ti c'usitic toyol stojol tiq'uile, ti matanaletique, ti sba sat ti ts'unubaletique, ti jun ta jujun lajlajunebe, yo' jech ta stsobic ta sq'uejobil ti c'usitic ta xloc' ta jujusep osile, jech c'u cha'al ta xal ti oy c'usi jbel tsots albil ti ta stunes ti paleetique, xchi'uc ti levitaetique. Ti jnaclejetic ta Judae xmuyubajic no'ox ta stojol ti paleetique xchi'uc ti levitaetic ti oyic ta tunele.

⁴⁵Ti le' une, jech c'u cha'al ti jq'uejimoletique, xchi'uc ti jchabiej ti'naetique, sbainojic ta pasbel stoyel xi'el ti Dios yu'une, xchi'uc ta xchapanel c'u s'elan liquem yu'unic ti mesel tusel jech c'u cha'al yaloj comel ti Davide, xchi'uc ti Salomón ti ja' xnich'one.

⁴⁶Ta vo'ne ti c'alal ech' ti David xchi'uc ti Asafe, va'anbilic banquilal jq'uejimoletic ta sq'uejintael ti jun yutsil q'uejoje, xchi'uc ta xalbel coliyal ti Diose.

⁴⁷C'alal yorail cuxul to ox ti Zorobabele, xchi'uc ti Nehemiase, scotol ti Israele jujun c'ac'al ta xaq'uic c'usitic ta xtun yu'unic ti jq'uejimole, ti jchabiej ti'nae. Ta xac'beic xtoc c'u yepal ta xich'ic ti levitaetique. Jech ta spasic xtoc ta stojol snitilultac ti Aarone.