Read Tzotzil Job 14 Bible Online

Job 14 - Tzotzil bible

Job 14

¹Ti vinic voq'uem ta stojol ti antse, xi no'ox snatil ti yuni cuxleje, ti busul no'ox ta sba ti c'usi ta xc'ot ta pasele.

²Co'ol s'elan jech c'u cha'al junuc nichim ta xtuc ti xniche, ta jliquel no'ox nucultic xa, ti ch'ab xi batel jech c'u cha'al ta sac ch'ay ti xtemet no'ox jelavel ti queove.

³¿Mi yu'un laj xa avac' talel asat ta stojol ti vinic le' une, ti chapal xa avu'un ta xavul abaic xchi'uque?

⁴Ta stojol ti jsoquesvaneje, mu'yuc buch'u ti oy c'usi lec ta sta loq'uel teye.

⁵Vo'ot ta xaval c'u sjalil ta xch'i xc'opoj ti vinique, ti mu xjelav ech'el avu'un ti bu c'alal chapanbil ti sc'ac'alile.

⁶Ch'an xa uto ta stsaquilanel ta c'op; stauc yav avu'un sac jamanuc ti osil banomile, sc'upinuc to ya'i ta stunel slajesel ti stojol ta abtele.

⁷C'alal ta xich' ts'etel ti jpets te'e, oy to patob o'ntonal ti xu' to ta xq'uelomaje, ti j'ech'el mu xtub o sc'oplal ta sventa ti ach' sq'uelome.

⁸Manchuc mi yij xa ta j'ech'el, mi ta xa xc'a' ta banomil ti xchumanile,

⁹ti siquic to ech'el ta xa'i yu'un siquil ti vo'e, ta xlic yaxubuc ta yaq'uel sc'obtac jech c'u cha'al junuc yuninal xan.

¹⁰Ti vinic une ta ono'ox xcham, mu'yuc xa c'usi ta utel, mi cham une, ¿bu ta xbat?

¹¹Xjobin no'ox ya'lel ti muc' ta nabe, xchi'uc ta taquijel yoc ti bic'tal uc'umetique,

¹²ti c'u sjalil mu xtub sc'oplal ti vinajele, mu xu' stam sba liquel ti vinic ta smuquinale, mu xvul xch'ulel yu'un ti svayele.

¹³Oc no'ox la c'usi xavut ti xatacun batel ta lajebale, ja' to mi ech' ta apat ta xocon ti sc'ac'al avo'nton ta jtojole, ti bisbil avu'un bu yorail xavulesun ta avo'ntone.

¹⁴Mi xcham ti vinique, ¿mi ta to xcuxi talel un? Jmalaoj ca'i c'u sjalil ma' ti jtunel avu'un jechuque, ti xlaetuc to ech'el ech'uc yipal ti jvocole.

¹⁵Yu'un avac'ojbun jch'ulel canima, lec xavilun ti jechuque, ta xac'oponun talel unbi, ta jtac'bot ec un.

¹⁶Ti avac'oj asat jujuteq'uel coc ti bu ta xibate, va'i unbi, ma'uc batem avo'nton ta sq'uelel ti jmule,

¹⁷ta xaten ta avo'nton ti jtoyobbaile, ta xamesun xatusun yu'un ti jvocol ti bu lijelave.

¹⁸Yu'un ta stsuts ta jinel ti vitsetique, ta xjel yavil ti muc'tiquil ch'enetique.

¹⁹Jech c'u cha'al ti vo' xquechet ta jemel yu'un ti tone, ti xbeq'uet no'ox ech'el yu'un spucuquil banomil ti chaquilo'e, jech ta xbat avu'un spatobil yo'nton ti vinique.

²⁰Mu'yuc c'usi bal o ta xc'ot avu'un ta j'ech'el, ta xaten loq'uel ta yosil sbanomil, ti mu xa ojtiquinbaj ta xpalch'uj batele.

²¹Mi oy bu ta sta ich'bil ta muc' ta xc'ot ti xnich'nabe, mu xa xil ta sat, mi oy bu ta sta ti svocolique, mu xa'i ti stuque,

²²c'ajomal ta xa'i mu x'ech' xjelav svocol yipal ti sbec'tal stacopale, ti mu x'ech xjelav ta xa'i ti at-o'ntone.