Read Tzotzil Job 29 Bible Online

Job 29 - Tzotzil bible

Job 29

¹Oc no'ox la ta alel ti jcha'tauc jech c'u cha'al chabibilun yu'un ti Dios ta ba'yele,

³ti c'alal xtixet xojobal yutsil ta jtojole, ti c'alal xu' cu'un xixanav no'ox ta ic'al osile.

⁴C'alal vul talel jch'ulel yu'un ti jch'iel jc'opojele, sbainoj ta xchabiel jna ti Diose.

⁵Chi'inbilun yu'un ti Buch'u scotol xu' yu'une, vololic ta jpat ta jxocon ti calab jnich'nabe.

⁶Xbein no'ox ti chu' vacax ta lumtique, xtuctun no'ox ti aceite ta xloc' talel ta tonetique.

⁷Ja' o yorail jtsac xcha' jchotleb ti bu oy tsoblebal yu'un ti jteclume.

⁸Sq'uej-q'uej xa sbaic loq'uel ti querem viniquetic c'alal ta xiyilique; va' xiic liquel ti moletic une.

⁹Ti viniquetic ich'bil ye sti'ique, ts'ij xiic ta c'opojel, ti sye' xa sc'obic ti mu'yucuc buch'u xc'opoje.

¹⁰Ti ajvaliletique, c'un c'un xa ta xc'opoj, mu xa xtoy ye xc'opojic.

¹¹Ti buch'u ta xilune, xchi'uc ti buch'u ta xa'i ti c'usi ta xcale, smuq'uibtas xa o'ntonal, lec jc'oplal yu'unic.

¹²Laj jcolta ti me'un mu'nate, ti buch'u mu'yuc c'usi x'ayan yu'unique, ti mu'yuc coltabil yu'un ti yane.

¹³Colaval xiyut ti buch'u batem ta yoc ta j'ech'ele, ti xcuxet to banomil ta xca'i ta scoltael ti me'unal antsetique.

¹⁴Ti tuq'uil o'ntonal ti sna' x'ac'van ta ventae, c'otem ta jc'u' jpoc ta xca'i scotol c'ac'al.

¹⁵C'otemun ta satil yu'un ti ma'sat une, c'otemun ta oquil yu'un ti coxov une.

¹⁶Sbisojicun ta totil ti buch'utic mu'yuc c'usi x'ayan yu'unique, jpojvanejun yu'un ti jyanlumetique.

¹⁷Ta jvoc'be ta majel ye ti buch'u mu'yuc xch'ulel xa'i sbaique, ta jpojbe ta ye ti c'usi stsacojic xa batel ta sti'ele.

¹⁸Xi laj jnop une: “Ti jch'iel jc'opojele ta xjalij ta j'ech'el ti mu stsuts ta atel co'ol s'elan jech c'u cha'al ti yi'e, ti mol xa ta xicham ta jnae.

¹⁹Co'ol j'elan jpets te' teq'uel ta ti' uc'um, ti sts'uj no'ox ti job ac'ubal ta sc'ob-c'obtaque.

²⁰Ti xiqueremaj no'ox liquele, staoj yav ti yipal cu'une.”

²¹Scotolic ts'etel sni' xchiquinic ta xa'iic ti jc'ope, ti smala xa ya'iic c'u s'elan ta xibijubtasvane.

²²Mi laj c'opojcune, mu'yuc buch'u junuc ta to sts'ac batel ti jlo'ile. C'otel c'otel ta yo'ntonic jujubel ti jc'ope.

²³Mu xa c'usi x'ech' o ta xa'iic ta smalael ti jc'ope jech c'u cha'al malabil yorail ta xyal talel ti chaquilo' ta corixmae.

²⁴Ti xitse'in xae, xch'ayet xa no'ox ta xa'iic, mu xictaic ta sq'uelel jsat ti xlaet no'ox ta xca'ie.

²⁵Lic'ot ta banquilal jpas-mantal yu'unic. Ta jnopbeic ti c'usi sc'an pasele, co'ol s'elan jun ajvalil jba'be ech'el ta stojol ti jvoc' yajsoldadoe. C'alal oyic ta at-o'ntone, ta jpatbeic yo'ntonic.