Read Tzotzil Job 30 Bible Online

Job 30 - Tzotzil bible

Job 30

¹Avi tana une, ti uni jva'lej viniquetic ti ts'acal jch'iel jc'opojele, stse'inic xa ta jtojol, ja' xnich'nab ti buch'utic mu lecuc laj ca'i xvolet xchi'uc jts'i'tac ta xchabiel ti jchijtaque.

²¿Mi yu'un oy la bu tun cu'un stsatsal ti yip yoc sc'obique? Jeche' xyamyun ti banomil ta xa'iique

³ta scoj ti me'un mu'natile, mu albajuc ti vi'nale, mu xa tabaj ti c'usi ta tunesel lajesele. Ta ac'ubaltic ti sts'ijlajan ta sbajtical ti banomile, st'olic xa taquin yibel te'.

⁴Sbulic xa xtoc ch'ail momoletic ta uninaltic, ti laj to slajesic ma' ti yibel retama te' sbi une.

⁵Jnaclejetic ti bajbil tenbil yu'un ti yane, ti x'avlajet no'ox yajval nutsbilic batel jech c'u cha'al ti j'eleq'ue.

⁶C'otem ta snaic ma' ti nail ch'ene, ti lican ch'entique, ti c'al ch'entique.

⁷Xme'inal oq'uic xa ta momoltic, ti lamalic ta yolon uninal te'tique.

⁸Jnaclejetic ti naca smacojic ti banomile, ti mu'yuc na'bil buch'u xnich'nabe, ti mu xtal yutsil ta xnaquiic ta jteclume.

⁹Avi tana ti stuquic une xlabajic xa, stse'inic xa ta jtojol ti oy c'usi laj cac'be ta ye ta sti'ique.

¹⁰Sq'uej-q'uej xa sbaic loq'uel ti mu jtac nopel ta xilique, ti st'ubtaicun xae.

¹¹Ti mu'yuc xa c'usi xcut jba avi tana une, c'otemun xa ta j'ac'-lo'il-maxil, mu xa xiyaq'uic ta venta un.

¹²Xvoletic no'ox ta jpat ta xocon ta xisjipicun ta lum, ti stsaquelun no'ox ta c'op yu'unique, ti yo'ntonicuc xa chamcune.

¹³Smaquicun xa ta be ta yilel ti jvocol ta j'ech'ele, ti mu staq'uic pajesele.

¹⁴Co'ol to j'elan ta xiyilic jech c'u cha'al junuc jomol moc ti sjunul yip svol-vol xa sbaic ta xtalic ta jtojole.

¹⁵Vul ta jtojol ti sibtasele; ti jlequil cutsilale sac ch'ay batel jech c'u cha'al junuc ic'; ti mu xvinaj c'u s'elan bat ti toque, jech bat ti c'usi x'ayan cu'une.

¹⁶Xtaet xa ma' ti cuxlej une; laj xa yu'ninun ti me'inal ilbajinele.

¹⁷C'otem xa ta yol jbaquil ma' ti yipal xc'uxule; mu x'ech' xjelav ti yipal ta ac'ubaltique.

¹⁸Stsacoj xa jnuc' ti Diose, ti sjunul yip snitoj jc'u' ta xchecholanune.

¹⁹Jipuj xiyut ochel ta ach'eltic, co'ol j'elan junuc pucuc, mi junuc tan.

²⁰Ch'ul Dios, jc'anbot xa coltael, mi ja'uc ta xatac'bun, xivocolet ta atojol, mi ja'uc xavac' ta venta.

²¹Tsots xava'i aba ta jtojol, ta sjunul avip ta xavilbajinun.

²²Ta xc'ot ta pasel avu'un ta xjochun batel ti iq'ue, ti xibalcuj sutbij no'ox ech'el yu'un banomilal vo' xchi'uc yic'ale.

²³Jna' xa ma' ti ta xaquilbun batel ta coc c'alal to lajebal, ti bu ta xc'otic scotol ti xva'lajetic ta banomile.

²⁴¿Mi yu'un mu'yuc laj jtic' jba ta spojel ti buch'u abol sbae, ta scoltael ti me'un mu'nate?

²⁵¿Mi yu'un mu'yuc li'oc' yu'un ti buch'u oy ta vocole, xchi'uc ti buch'u mu'yuc c'usi x'ayan yu'une?

²⁶C'alal jmalaoj xa ta stael ti mu'yuc c'usi jna'e, vul ta loq'uel ti me'inal vocole; c'alal jmalaoj xa xtixlajan vulel ti saquilal osile, vul ta loq'uel ti ic'ubel ta osile.

²⁷Xmich'et ma' ti co'nton ta j'ech'ele; lamal ta jba ti me'inal vocole.

²⁸Naca xa vul-o'nton ma' ti li' cuxulune, mu xquil yutsilal xojobal ti c'ac'ale; jc'an xa coltael ta sba ta sat scotolic.

²⁹Co'ol s'elan lic'ot jech c'u cha'al ti jti'oval oq'uile; co'ol s'elan lic'ot ta xchi'il ti j'anilajel muc' ta ic'al mute.

³⁰Ic'al c'abin ta q'uelel ti jnuculile; ta xtil sjunul ti jbec'tal ta scoj mu albajuc ti sic c'oq'ue.

³¹C'ot xa ta pasel ti joybij xa ta oq'uel ti xlomet no'ox ti arpaetique, ti amae.