Read Tzotzil Job 4 Bible Online

Job 4 - Tzotzil bible

Job 4

¹J'ech'el mu nan lecuc ta xava'i ti oy buch'u ta sc'oponote, Job, ta j'ech'el mu stac' ti ts'ijil ta xicome.

³Ep buch'u laj achanubtas, laj atsatsubtasbe yo'nton ti buch'utic lubtsajemique.

⁴Laj avac'be yip yo'nton ta stamel sba ti buch'u mu'yuc c'usi xut sbae; laj stam sba liquel avu'un ti buch'u yalem xa ta lume.

⁵¿C'u cha'al ya'yel un cha'e ta xlaj yipal avu'un, ta stsic' avo'nton yu'un c'alal oyot ta vocol une?

⁶Jun lequil yajtunelot Dios ti tuc' snopbenal avu'une; ¿c'u cha'al ya'yel un cha'e, mu staojuc yav atsinanoj avo'nton ta j'ech'el?

⁷Nopo ava'i lec, mi oy buch'u xana' ta jech yepal ta xich' tsutsesel c'alal ch'abal smule.

⁸Quilojan ma' ti buch'utic yabtelinojic ti milvaneje, xchi'uc ti c'usitic mu'yuc xch'ulel ta spasilane, jech ta staic liquel jech c'u cha'al loc' ta sa'el yu'unique.

⁹Ta x'ilbat svocol ta sventa sc'ac'al yo'nton ti Diose, ti ta stsutsesatic ta j'ech'ele.

¹⁰Ac'o mi xloquet no'ox snuq'uic ta il jech c'u cha'al ti leónetique, toj ts'ijiel ta xc'ot c'alal ta sc'asbat stanal yeic yu'un ti Diose.

¹¹Ta xchamic jech c'u cha'al ti leónetic ti mu xa sta ta sa'el ti sve'elique, ti tan puc ta xbat ti xnich'nabe.

¹²Vul lo'il a'yej ta jtojol ti jutuc xvinaj ta chiquintaele, ti naca scoscun ti c'ope.

¹³Ta ac'ubaltic, c'alal lamal ta vayel ti viniquetique, toj xi'bal sba ti laj quil ta jvaiche.

¹⁴Laj yu'ninun ta j'ech'el ti xi'elale; linic yu'un junul ta j'ech'el.

¹⁵Xvuch'lij talel ic' ta jsat, ti tsavluj c'ot sjunul ti jbec'tal yu'une.

¹⁶Oy buch'u xva'et laj quil ti xnac'nun ti squeovale, mu'yuc laj quil c'u s'elan ti sate. Sts'ijlajan com scotol, ta jech yepal, laj ca'i sc'opojel ti xi laj yale:

¹⁷“¿Mi oy la buch'u xu' yu'un lec tuc' stac' spas sba ta stojol Dios? ¿Mi x'ech' to slequilal oy ta stojol ti Buch'u ac'bun xch'ulele?

¹⁸Mi ja'uc ti yajtuneltac oy ta vinajel ti staojic ti mu'yuc c'usi xal yo'nton ti Dios yu'unique. Ti Diose, c'alal ta yaj'ánjeltac ta stabe ti mu lecuc ta xbat yu'unique.

¹⁹¡Ja'uc xa la ti vinic jujutij ta j'ech'el une, ti co'ol s'elan jbej na pac'bil ta ach'el ti va'al ta pucuque, ti xu' xpuch'e ta teq'uel jech c'u cha'al ti sjoch'ale!

²⁰Ta sacubel osil, mi ta smalil c'ac'al, tub xi sc'oplal; sbatel osil, cham o, ch'ay o sc'oplal ta o'ntonal.

²¹Ta xc'ot ta tsutsel xcuxlejal jech c'u cha'al jbej sat no ti ta xich' tuch'ele; mu'yuc laj sta o ti sbijil xcham xlaje.”