Read Tzotzil Salmos 110 Bible Online

Salmos 110 - Tzotzil bible

Salmos 110

¹Ti Diose xi laj yalbe ti Cajvale: “Chotlan ava'i ta xocon jbats'i c'ob un, ja' to ti mi nijil chimil c'ot cu'un ta avoc ta ac'ob ti avajcontrataque.”

²Ta Sión to ta xac'bot ta avoc ta ac'ob avaxton ti Diose, svinajeb ti avich'oj tsots avabtele. Nijil chimiluc c'otuc avu'un ti avajcontra un cha'e.

³Ti ateclumale ta xac' sba ta atojol c'alal yorail ti tsalbil ta xc'ot avu'un scotole. Xqueremaj no'ox ti viniquetic avu'une jech c'u cha'al ti ch'ul vits ti sts'ujulin no'ox job ac'ubal ta stojol ta jujun sacubel osile.

⁴Ti Diose xi laj sva'an sba ta yalel ti mu sutes ti ye sti'e: “Paleot sbatel osil jech c'u cha'al ech' ti Melquisedeque.”

⁵Va'al ta sts'el abats'i c'ob ma' ti Diose; ti sc'ac'alil ta xlic ti sc'ac'al yo'ntone, ta stubbe sc'oplal ma' ti ajvaliletique.

⁶Jbel xal ta xchapbel sc'oplal ti muc'tiquil lume, ti busul no'ox ta xcom yu'un ti animaetique; ta slilin ta tubbel sc'oplalic ti jpas-mantaletic ta scotol banomile.

⁷C'alal stamoj ti sbee, ta xuch' vo' ta uc'um, ta stsatsub xchi'uc ti vo' taj une.