Read Tzotzil Salmos 113 Bible Online

Salmos 113 - Tzotzil bible

Salmos 113

¹Jun yutsil ta j'ech'el ma' ti Dios une. Ti yajtuneloxuc ti Diose, ¡albeic ti slequilale!

²Lequil c'optabiluc ta j'ech'el ti Diose.

³C'otuc ta sloq'ueb c'ac'al, ta smaleb c'ac'al ti lequil c'optabiluc ti Dios une.

⁴Ti Diose sbainoj scotol ti muc'tiquil lume; ti yutsil slequilale, smacoj sjunul ti vinajele.

⁵Mu'yuc buch'u xco'olaj o xchi'uc ma' ti Ajvalil Dios cu'untic ti chotol ta xventainvan ta toyole.

⁶Manchuc mi jech un, ech'el syalesoj xc'uxul ti yac'oj sba ta sq'uelel ti vinajele, ti banomile.

⁷Ti Dios une ta stam ta stoy liquel ti me'un mu'nat lomem ta lume,

⁸yo' jech jmoj ta xc'ot chotluc xchi'uc ti buch'u cajal ich'bilic ta muq'ue, ti ich'bil ye sti'ic yu'un ti jteclume.

⁹Ta sta liquel yu'un xmuyubaj ti ants ti mu'yuc xil o ti alajele, me'il ta xc'ot, ta xlic pasuc ta jchop jnaclej. Jun yutsil ta j'ech'el ma' ti Dios une.