Read Tzotzil Salmos 116 Bible Online

Salmos 116 - Tzotzil bible

Salmos 116

¹Mu tenbaj ta xca'i ti Dios une, yu'un laj ya'ibun ti xivocolet ta stojole.

²Yu'un laj sts'etan lec sni' xchiquin cu'un. Mu xlaj sc'oponel sti'inel c'u sjalil ti jch'iel jc'opojele.

³Ts'otolun xa ta xch'ojon ti lajebale, tsacbilun xa yu'un ta xi'elal ti muquinale, c'ot ta jtojol mu ts'icbaj ma' ti xi'elal ti spajeb xa ti yipale.

⁴Va'i un, ta sventa ti Dios une xivocolet liquel, laj jc'anbe vocol ti spojucun yo' quiluc to ti jch'iel jc'opojele.

⁵J'ech'el tuc' ma' ti Dios une, sna' xc'uxubaj; ti Dios cu'untique, spajebal oy sts'iquemal xcuchemal yu'un.

⁶Ti Diose ta xchabi ti buch'utic mu xpac yu'un yuni c'oplale. C'alal ch'abal xa ti quip laj ca'i eque, laj spojun.

⁷Tana li'e, laj xa ca'i ti mu'yuc c'usi jna'e, yu'un toj lec ti c'usi laj spas ta jtojol ti Diose.

⁸Laj spojun ti oy jc'oplal ta xichame; mu sq'uelojuc ti xi'oc'olete, ti ta xiyal ta lume, laj sva'an sba ta jtojol.

⁹Jch'unej-mantalun lic'ot yu'un Dios ta stojolic ti buch'u cuxulic ta banomile.

¹⁰Ac'o mi laj calilan spajeb ti jvocol jtaoje, j'ech'el jun co'nton jch'unoj.

¹¹Ta scoj ti mu xca'i jbae, utsuc xa xcalilan ti naca jutc'op scotol ti viniquetique.

¹²¿Mi yu'un oy c'usi xu' ta jtojbe scotol ti c'usitic lec laj spas ti Dios ta jtojol une?

¹³¡Utsuc xa jtam ca'i sbisol ti matanal vino ta yalbel coliyal ti jpojel colel yu'une!

¹⁴C'otuc ta pasel ti jtrate ti laj cal ta stojol Dios ta sba ta sat scotol ti jteclume.

¹⁵Ti buch'u mu tenbaj ta xa'i ti Diose, mu tuch'baj ta o'ntonal ta x'ile c'alal ta xa xcham xlajique.

¹⁶Avajtunelun, Ch'ul Dios. Squerem olun ti me' jtunel avu'une. Laj alilin ta tuch'el caq'uil ti ts'otbilun yu'une.

¹⁷Ta sventa ti colavalbune, ta xcac'bot milbil matanal, oy ono'ox ta que ta jti' ti ac'oplal ec une, Dios.

¹⁸Ta sba ta sat scotol ti jteclume, ta xc'ot ta pasel cu'un ti jtrate caloj ta stojol ti Diose,

¹⁹ta yamaq'uiltac xch'ulna ma' ti Diose, ta o'lol avu'un, Jerusalén. Jun avutsil ta j'ech'el un, Dios.