Read Tzotzil Salmos 125 Bible Online

Salmos 125 - Tzotzil bible

Salmos 125

¹Ti buch'utic spatoj yo'ntonic ta stojol ti Diose, j'ech'el mu staq'uic niquesel co'ol jech c'u cha'al ti vits Sión ti j'ech'el chotol oe.

²Jech c'u cha'al ti Jerusalén ti joyobtabil ta vitsetique, ti Dios eque, j'ech'el jech sjoyibtaoj ta chabiel ti steclumale.

³Ti chopol ajvalile mu xu' ti j'ech'el ta spas o mantal ta osil ti bu yac'oj ti Dios ta sventa ti steclumale, naca mi licuc sjolic ta spasel chopol ti steclumale.

⁴Cajval, paso c'usitic lec ta stojol ti buch'utic lec ti c'usi ta snopique, xchi'uc ti buch'utic mu'yuc xa yan ti c'usi ta snop ta yo'ntonique.

⁵Yan ti buch'utic yac'ojbeic yipal ta spasel ti c'usi chopole, ac'o sta avu'un jech c'u cha'al ta xc'ot ta stojolic ti buch'utic toj jelavem ti ye sti'ique. Ac'o sta ti mu'yuc c'usi sna' ta j'ech'el ti Israele.