Read Tzotzil Salmos 132 Bible Online

Salmos 132 - Tzotzil bible

Salmos 132

¹Cajval, Ch'ul Dios, ti j'ic'vanej japvanejot yu'un ti Jacobe, mu xach'ay ta avo'nton ti ilbajinel laj sta ti Davide, ti j'ech'el xi laj yal ti sc'ope:

³“Mu teyuc no'ox ch'ayal co'nton ta jna, mi ja'uc ta xivay yo' ta jcux co'nton,

⁴mi jliqueluc ta jmuts' ti jsate, ma'uc oy bu ta xivay jliqueluc,

⁵mi mu to ta jta bu ta xcom yavil sna ti Dios ti j'ic'vanej japvanejot yu'un ti Jacobe.”

⁶Ti ta Efratae, laj ca'ibecutic ta x'albat sc'oplal xcaxail trate ti Diose, laj jtacutic un ta yosilal ti Jaare.

⁷Batic ta xch'ulna ti Dios un cha'e. Ba quejlucutic ta sts'el yolon yoc sc'ob.

⁸Va'lan, tec'lan un, Cajval, xchi'uc ti acaxa jelavem xu' yu'une, la' ta vits ti bu ta xacux avo'ntone.

⁹Tixetuc yutsil ti coltael ta stojol ti avajpaletaque; avanicuc ta muyubajel ti buch'utic jun yo'ntonique.

¹⁰Ta sventa ti mu tenbaj ta xava'i ti avajtunel Davide, mu xajip xaten ti ajvalil ti laj at'uje.

¹¹Ti Diose laj sva'an sba ta yalel strate ta stojol ti Davide, ti xi s'elan ti mu xu' ta sutes yee:

¹²Ti bu apasob mantale, ta xcac' chotiuc ta pas mantal junuc ti anitilultaque. “Mi ta xc'ot ta pasel yu'unic anich'nabtac ti jtratee xchi'uc ti jmantaltac ti ta jchanubtasique, jech ec xquechet ta x'ech'ic ti xnich'nabique, ta xcac' chotiicuc ti bu la'ech' ta pas mantale.”

¹³Ti Diose laj st'uj ti vits Sione. Laj yalbe sc'oplal ta xnaqui tey.

¹⁴“Ti ta vits li'e, j'ech'el li' ta xicom oe; ta xinaqui yu'un xinop ta xca'i.

¹⁵Ta jva'an jba ta sbolesbel ti sve'elique; mu xilic vi'nal cu'un ti me'un mu'natetic yu'unique.

¹⁶Ti coltaele, xtixet no'ox c'otel cu'un ta stojol ti paleetic yu'unique, x'avanic no'ox liquel ta muyubajel cu'un ti buch'utic jun sjol yo'ntonique.

¹⁷Ti bu taje, ta xcac' licuc ta ach' ti yoquel cuxul smuc'ul stsatsal ti Davide; chapal xa cu'un lampara ta sventa ti t'ujbil ajvalil cu'une.

¹⁸Ta j'ech'el nijilic ta xcomic ta q'uexlal cu'un ti scontrataque, yan ti stuque ta xcac'be ti xojobin no'ox yutsilal ta xc'ote.”