Read Tzotzil Salmos 133 Bible Online

Salmos 133 - Tzotzil bible

Salmos 133

¹Tuc'ulano avilic ti stuc xa no'ox jun yutsil ta xa'iic ti buch'utic bats'i xchi'il ta voq'uel ta xa'i sbaic ti c'u yepal vololique.

²Taje, co'ol s'elan jun muil poxil s'elan ta xcocanbat ta sjol ti paleetique, ti xbein to yalel ta yisime, ti ta xc'ot c'alal to ta snuc' sc'u'ique.

³Taje, co'ol s'elan sts'ujulal job ac'ubal ta xyal talel ta vits Hermón, ti ta xbajuc yalel ta vitstic yu'un ti Sione. Ti bu taje, ta xlic talel ti c'uxubinel yu'un Dios ti ta xac' natijuc ti ch'iel c'opojele.