Read Tzotzil Salmos 137 Bible Online

Salmos 137 - Tzotzil bible

Salmos 137

¹Ti jmoj vololotic ta chotlej ta ti' uc'umetic yu'un ti Babiloniae, xij'oc'lajet liquel c'alal ta xvul ta co'ntontic ti jteclum Sione.

²Ta jteclum taje, laj joc'anantic ti cuni arpatic ta álomo te'etique.

³Ti buch'utic laj sbec'otic ech'el ta chuquele, ti laj spojbotic scotol ti c'usi x'ayan cu'untique, laj sc'anic ti muyubajcutic ta q'uejimole, ti q'uejincutic la yu'unic ta q'uejimoletic yu'un ti jteclum Sione.

⁴¿Mi yu'un yac'toicuc ti jun xa la yutsil ta xca'itic sq'uejintael sq'uejimol Dios ti ta yan banomile?

⁵Mi laj jch'ayot ta co'ntone, Jerusalén, xitun o ti naca sta taqui lajcun ech'ele.

⁶Mi mu'yuc xa ta jvulesot ta co'ntone, mi ma'uc xa jlequilal ta xca'i ti muyubajel avu'un une, Jerusalén, sti'uc sba ta taquijel ti quee.

⁷Cajval, vuleso ta avo'nton ti xi laj yalic ti edomitaetic c'alal yal ta lum ti Jerusalene: “Lilinic ta j'ech'el, lilinic c'alal to sliquebtac yoc.”

⁸Ta xc'ot ta atojol ti ta xavich' lilinele, Babilonia. Mu xa c'usi sna' ti buch'u ta xac' atoj ta ajol ti c'usi chopol laj apasbuncutique.

⁹Mu xa c'usi sna' ti buch'u naca sjisel ta ton yu'un ti ololetic avu'une.