Read Tzotzil Salmos 14 Bible Online

Salmos 14 - Tzotzil bible

Salmos 14

¹Xi ta snopic ti viniquetic ti buch'u mu'yuc xch'ulel xa'i sbaique: “Mu'yuc Dios.” Yu'un spajebal xa no'ox mu'yuc xch'ulelic ti c'usi ta spas scotolique, mi ja'uc xa ono'ox stac' alel ma' ti c'usi ta spasique, mi junuc ma' ti oy buch'u c'usi lec ta spase.

²Ti Diose, ta vinajel to, ta sq'uel talel mi oy buch'u xa'ibe ti xchiquinale, mi oy ta yo'nton ta sa' ti Diose.

³Ja'uc le' une, scotolic laj xa stamic batel ti chopol bee; scotolic mu'yuc xa xch'ulel xa'i sbaic ti c'usi ta spasique; mi junuc ti oy c'usi lec ta spase, mi junuc ta j'ech'el.

⁴Mi jutebuc xa'ibeic sni' xchiquinal ti buch'u mu'yuc xch'ulel xa'i sbaique. Ta xcuxul-ti'ic ti jteclumale jech c'u cha'al junuc pan ti jxumel no'ox ta xac'beique. Laj ta alel yu'unic ti xvocoletic ta stojol ti Diose.

⁵Batel ta xc'ot xch'ulelic yu'un xi'el; xnicnunic xa ti c'alal ta xilic ti chi'inbil yu'un Dios ma' ti buch'utic sna' xi'taique.

⁶Voch xi no'ox slabanel yu'unic c'alal ta xa'ibeic yuni c'op c'usi oy ta yo'nton ti buch'u xlajet no'oxe, le' une, pojbilic yu'un ti Diose.

⁷Ti le'uc to ta vits Sión licuc talel scoltaelic ti Israel une. C'alal ta xlic sjelta Dios ti c'usi ta xc'ot ta stojol ti steclumale, xmuyubajic no'ox liquel snitilultac ti Jacobe, xchi'uc scotol ti jteclum Israele.