Read Tzotzil Salmos 148 Bible Online

Salmos 148 - Tzotzil bible

Salmos 148

¹Jun yutsil ta j'ech'el ma' ti Diose. Lequil c'optaic ti Dios oy ta vinajele. Lequil c'optaic ti Dios oy ta toyole.

²Acotolic ti yaj'ánjeloxuque, lequil c'optaic. Ti c'u avepalic ti oyoxuc ta vinajele, lequil c'optaic.

³Ti vo'ote, c'ac'al, u, lequil c'optaic ec. Lequil c'opojanic ec, c'analetic ti xchijlajan no'ox axojobalique.

⁴Toyol vinajel, lequil c'optao ec. Lequil c'optao ec un, vo', ti oyot ta sba ti vinajele.

⁵Ta sventauc ti Diose, lequil c'opojanic, yu'un ta jbel no'ox smantal, lic ayanuc talel scotol.

⁶Jech com o yu'un sbatel osil ti loc' ta alel yu'un mu xjel sc'oplale.

⁷Muc'tiquil chanul nabetic, ti sninabil nabote, li'uc to ta banomil ti lequil c'optaic ti Diose.

⁸Ti chaucote, ti botote, ti taivote, ti lumal tocote, lequil c'optaic ti Diose. Ti ts'otetel ic'ote, ti xc'ot ta pasel avu'un ti smantaltaque, lequil c'optao ti Diose.

⁹Ti muc'tiquil vitsoxuque, ti stselejoxuque, lequil c'optaic ti Diose. Acotolic ti ch'ut te'eticoxuque, ti te'oxuc ti stac' lo'el ti sate, lequil c'optaic ti Diose.

¹⁰Ti jts'unel chon bolomoxuque, ti te'tical chon bolomoxuque, lequil c'optaic ti Diose. Ti ep ta tos ats'unubal mutoxuque, ti quiletel chonoxuque, lequil c'optaic ti Diose.

¹¹Ti banquilal ajvaliloxuc yu'un ti banomile, acotolic ti jnaclejoxuc ta banomile, lequil c'optaic ti Diose. Acotolic ti banquilaloxuc ti ich'bil ave ati'ique, ti jpasvanejoxuc ta mantal ta banomile, lequil c'optaic ti Diose.

¹²Viniquetic, antsetic, querem viniquetic, moletic, acotolic, lequil c'optaic ti Diose.

¹³Acotolicuc, lequil c'opojanic ta sventa ti Diose, yu'un stuc no'ox oy ta toyol ti sc'oplale. Ti yutsilale, ja' xcom ta be ti vinajel banomile.

¹⁴Laj yac'be yip smuc'ul stsatsal ti slumale yo' ta xlequil c'opojic ti israeletic ti buch'utic tuc' sjolique, ti ja' steclumalic ti nopol oyique. Jun yutsil ta j'ech'el ma' ti Dios une.