Read Tzotzil Salmos 16 Bible Online

Salmos 16 - Tzotzil bible

Salmos 16

¹Cajval, Dios, chabiun, yu'un jsa'oj jpojel ta atojol.

²Yu'un xi ono'ox laj calbote: “Vo'ot Cajvalot, cutsilalot, jlequilalot, mu'yuc yan xco'olaj jech c'u cha'al ti vo'ote.”

³Ti loc'obbail meltsanbil yu'un ti jteclume, oy smuc'ul stsatsal ta xalic ti buch'utic xmuyubaj no'ox xchi'uquique,

⁴ti ta xepajesic ti loc'obbailetic yu'unique, ti nijil chimilic ta xich'ic ta muq'ue. Ta j'ech'el mu jchi'inic ta spasel c'usitic ta xac'beic svocol ti balal ta xch'ich'ele; ta j'ech'el mu xloc' ta que ta yalbel ti sbitaque.

⁵Jtaoj ta aventa scotol, Cajval, yepal ti ava'anoj aba ta jtojole; ta avoc ta ac'ob oy ti jcuxleje.

⁶Jun no'ox yutsil ta j'ech'el laj jta avu'un ta sliquebal bu c'ot ti coraile, bats'i ech'em yutsil ti jrexto laj avac'bune.

⁷Ta jlequil-c'opta ma' ti Dios une, yu'un ta xistojobtasun, ta yutil to co'nton ta xisbijubtasun ta xca'i ta ac'ubaltic.

⁸Bejel ta co'nton ma' ti Dios une, ti nabal ta jbats'i c'ob une, mu'yuc buch'u xisjipun ta lum.

⁹Jech o xal un, sjunul co'nton xmuyubaj no'ox ta j'ech'el, sjunul jch'ulel canima mu'yuc c'usi jna' ta xicuxi.

¹⁰Yu'un mu aq'uelojuc ta xavictaun comel ta muquinal, mu aq'uelojuc ta xavicta comel ta ch'en ti buch'u lec xavil abaic xchi'uque.

¹¹Ta xavac'bun quil ta stamel batel sbelel ti cuxlejale. Ta atojol, jelavem ta j'ech'el ti muyubajele; sbatel osil xlaet no'ox ti o'ntonal ta atojole.