Read Tzotzil Salmos 20 Bible Online

Salmos 20 - Tzotzil bible

Salmos 20

¹Ya'ibucot ac'op ti Cajvaltic c'alal oyot ta ilbajinele; spojucot stuc Dios yu'un ti Jacobe.

²Ta xch'ulnauc to ti oy ta Sione, stic'uc sba talel ta spojelot ta scoltaelot.

³Svulesucot ta yo'nton scotol ti matanal laj avaq'ue, ti lecuc yil ich'biluc c'otuc ta muc' yu'un ti laj achic' ta sba ti altare.

⁴C'otuc ta pasel yu'un scotol ti c'usi juteb ta avo'nton ta xata ava'ie, ti sbainojuc c'otuc ta spasel ti c'usi anopoje.

⁵Jech o xal un, jpastic xa q'uin ta sventa ti latsalvane; jtoyuc jcobtic ta toyol ta yalbel slequilal ti Dios cu'untique. C'otuc ta pasel yu'un Dios scotol ti c'usi laj ac'anbee.

⁶Jch'unoj jtac'oj ta j'ech'el tsalvanem ta xc'ot ta sventa Dios ti ajvalil laj st'uje; ta xtac'bat talel sc'op ta ch'ul vinajel, ti muc'tic no'ox tsalvanem ta xc'ot ta sventa ti smuc'ul stsatsale.

⁷Ti jlome spatoj xa yo'nton ta xa'iic ti oy scarretaic ta sventa ti ac'ob-letoe; ti jlome spatoj xa yo'nton ta xa'iic ti oy sca'ique, ja'uc ti vo'otic une jpatoj co'ntontic ta stojol ti Ajvalil Dios cu'untique.

⁸Ti stuquic une ta x'alub ti yoquique, ta xyalic ta lum, ja'uc ti vo'otic une staoj yav lec va'alotic.

⁹Dios, jtsalvanejuc c'otuc ta aventa ti ajvalile, tac'buncutic ti jc'opcutic c'alal ta xajc'oponcutic une.