Read Tzotzil Salmos 24 Bible Online

Salmos 24 - Tzotzil bible

Salmos 24

¹Scotol ti banomile, ti c'usi ta xch'ie, xchi'uc scotol li c'usi cuxule, ja' yu'un ti Diose.

²Ti Diose laj yac'be yoyaltac ti banomile; laj xchotan ta sva'anel ta sba ti nabe, xchi'uc ta sba ti uc'ume.

³¿Mi oy la buch'u xu' ta xmuy ech'el ta vits yu'un ti Diose? ¿Mi oy la buch'u xu' ta x'och batel ta xch'ulna?

⁴Ja' no'ox ti buch'u mesbil tusbil scotol ti smule, ti sac com ti yoc sc'obe, xchi'uc ti snopbenal yu'une, ti mu'yuc nijil chimil ta yich'el ta muc' ti c'usi meltsanbil ta c'abale, ti mu spas ti mu xc'ot xc'opoje.

⁵Ti Ajvalil jpojvanej Dios yu'une, ta sva'an sba ta stojol ti vinic taje, xchi'uc ta stic' sba ta pojvanej yu'un.

⁶Jech ta staic ma' ti buch'u ta sa'ic ti Diose, ti buch'u ta sa'ic bu va'al ti Dios yu'un ti Jacobe.

⁷Vo'neal ti'naetic, jamanic xa. Jamal comanic o acha'pechalic, ta x'och talel ti nichimal Ajvalile.

⁸¿Buch'u ti nichimal Ajvalil un cha'e? Ja' ti Diose, ti tsots xu' yu'une, ti mu'yuc xi'el ta yo'ntone, ja' ti Diose, ti mu sna' xi' ta letovajele.

⁹Vo'neal ti'naetic, jamanic xa. Jamal comanic o acha'pechalic, ta x'och ti nichimal Ajvalile.

¹⁰¿Buch'u ti nichimal Ajvalil taj une? Ja' ti Dios ti scotol xu' yu'une, ja' ti nichimal Ajvalile.