Read Tzotzil Salmos 25 Bible Online

Salmos 25 - Tzotzil bible

Salmos 25

¹Dios, ta xa jtaot talel ta c'oponel ti'inel.

²Xi s'elan ma' ti jpatoj co'nton ta atojolal une, Dios: mu aq'uelojuc no'ox ta xiyaq'uicun ta q'uexlal, mu aq'uelojuc no'ox ta xquich' tse'intael yu'un ti jcontrae.

³J'ech'eluc mu staic q'uexlaltasel ti buch'utic spatoj yo'ntonic ta atojole. Q'uexlaltasbil c'oticuc ti buch'utic stoyoj xa sbaic ta scontrainelot ti c'alal mu'yuc c'usi chopol apasojbee.

⁴Dios, ac'bun quil ta stamel ti c'u s'elan atamoj batele; ic'un ech'el ta snopel ti c'u s'elan ta xanope.

⁵Tojobtasun ta stamel batel ti melel avu'une, vo'ot ti jcoltavanejot ti Diosot cu'une. Scotol ora jpatoj co'nton ta atojol un.

⁶Dios, vuleso ta ajol ti syail xc'uxul avo'ntone, ti alequilal ti laj avac' iluc ta jtojolcutique.

⁷Ti jmul jcolo'e, xchi'uc ti c'usi chopol laj xa jpas c'alal jqueremal to oxe, mu xavules ta ajol un. Vulesun ta avo'nton un, Dios, ta sventa ti mu no'ox albajuc ti syail xc'uxul avo'ntone, xchi'uc ti slequilal avo'ntone.

⁸Toj jun yutsil slequil ma' ti Dios une, tuc' sna' xchapanvan; ta stojobtas ta sa'el slequilal ti jsa'muliletique.

⁹Ti bu stamoj ech'el ti stuque, ta xac'be yil ta stamel ech'el ti buch'u biq'uit yac'oj sbaique; ta stojobtas ta spasel ti c'usi leque.

¹⁰Ta syail xc'uxul yo'nton, ta sventa melel, ta sliques yabtel ta stojolic ti buch'u ta spasbeic ti c'usi yaloje, xchi'uc ti smantaltaque.

¹¹Dios, mu'yuc jch'ulel xca'i jba ta j'ech'el, ch'aybun ti jmul jcolo'e, ich'biluc c'otan ta muc'.

¹²Ti vinic ti sna' ta snijan xchiman sba ta stojol ti Diose, ta x'ac'bat yil yu'un bu ti be ta stam batele.

¹³Joyol no'ox ta spat xocon ti yutsilal slequilal yu'une, ti snitilultac une, ta x'ac'bat yu'ninic ti jteclume.

¹⁴Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

¹⁵Cac'oj ono'ox batel jsat ta stojol Dios ma' ti vu'une, yu'un ta xispojun ti c'usitic xi'bal sba ta xc'ot ta pasele.

¹⁶Q'uelo avil c'u j'elan un, Dios, c'uxubajuc avo'nton ta jtojol, yu'un jtuc xa oyun, tsots ta j'ech'el ti jvocole.

¹⁷Yacal ta talel ti jvocol ti mu x'ech' xjelave; pojun ti jech mu x'ech' xjelav ta xca'ie.

¹⁸Q'uelo avil c'u s'elan oyun xchi'uc ti cabtele, ti vul o'ntone, ch'aybun ti jmul jcolo'e.

¹⁹Q'uelo avil c'u yepal ti jcontrae, ta xcham o xchi'uquic ta xa'iic yu'un ti sc'ac'al yo'ntonic cu'une.

²⁰Chabiun, mu aq'uelojuc ti ta xichame. Mu aq'uelojuc no'ox ta xi'aq'ue ta q'uexlal, yu'un jsa'oj jpojobbail ta atojol.

²¹C'otuc ta jpojobbail ti stuq'uil jol co'ntone, ti mu'yuc c'usi jna' xcale, yu'un jpatoj co'nton ta atojolal.

²²Dios Cajval, tic'o aba ta spojel ti Israel ti mu x'ech' ta xa'iic ti svocolic une.