Read Tzotzil Salmos 26 Bible Online

Salmos 26 - Tzotzil bible

Salmos 26

¹Chapanun un, Dios, yu'un mu'yuc ma' ti jmule, mu'yuc jsoquesoj jc'oplal ma' ti c'u s'elan cuxulune, yu'un ta j'ech'el jpatoj co'nton ta atojolal.

²Chajo ta q'uelel ti c'u j'elane, q'uelbun bu oy ti co'ntone; q'uelbun bu oy ti snopbenale, ti c'u xa s'elan ti yut co'ntone.

³Bejel ta jol ti syail xc'uxul avo'ntone, jun ti jol co'nton ta atojol une.

⁴J'ech'el mu'yuc laj jvol jba xchi'uc ti jutc'opetique, xchi'uc ti buch'u ta spac'ta sbaique.

⁵Soquet jol yu'un stsobobbail ti buch'u mu'yuc xch'ulel xa'i sbaique; j'ech'el mu'yuc xitsobet xchi'uc ti buch'utic mu stac' alel ti c'usi ta spasique.

⁶Pocbil xa c'otem ti jc'ob une, mu'yuc xa jmul jcolo'; jc'an xa ca'i xinopaj ta sts'el ti avaltare, Cajval.

⁷Jc'an xa ca'i jliques sq'uejintael q'uejimol ti xlamet no'ox yutsile, xchi'uc ta yalel ti c'usitic ch'ayal o'ntonal ta xc'ot ta pasel avu'une.

⁸Mu tuch'baj ta co'nton ta xca'i, Cajval, ti ach'ulna bu nacalote, ti bu ta xvinaj talel ti alequilal avutsilale.

⁹Mu jmojuc xavac' chamcun xchi'uc ti jmulivajeletique; mu jechuc xc'ot ta jtojol jech c'u cha'al ta xc'ot ta stojol ti jmulivajeletique,

¹⁰ti buch'u mu ch'an xi'uc ti yoc sc'obic ta spasel ti c'usi chopole, xchi'uc ta stsaquel ti mich'ob c'abale.

¹¹Mu'yuc jsoquesoj ma' ti jc'oplal une, c'uxubinun un, coltaun un.

¹²Lec to tuc' va'alun ma' ta banomil une, ta jlequil-c'opta ma' ti Dios ta sba ta sat ti steclumale.